SM 事件的緣起 (Patreon)

之前都同大家講過，我拍緊一條紀錄片，導演會透過條片探討性別、抗爭等等嘅議題。

SM事件發生後，導演又搵我拍咗幾個鐘，傾咗好多計。

講起SM事件，佢問我，「可唔可以講下，其實成件事係點樣開始？」

我諗咗陣。開始覺得好好笑。成件事？點樣開始？哈。我將我同導演講嘅嘢，大概講下比大家聽。

成件事點開始，應該要由我地，特別係Miss Pun 出生開始講起吧。點解因為我地係女，搭地鐵就要比人用硬住嘅J磨？點解Year 2嘅我要比籃屍推落地，鬧我臭雞？點解着住校服嘅我要喺街比呀叔跟蹤，然後靠近我講「好撚大波」？點解我去麥當勞溫書，要比個奇怪男人跟蹤我返屋企，然後捉住我隻手，突然攞塊石頭出黎碌我隻眼？點解潘只係小學嘅時候，都要比戀童癖摸胸？點解？

難道個世界係咁，我地就要接受？

冰封三尺非一日之寒。潘想作弄、小懲大戒性騷擾者，並唔係因為一件事。更莫講所謂嘅「報復」只係好L小事，完全唔係咩，個事主仲叫做有consent嘅。講真，對待性騷擾者，就算更大嘅懲罰都唔過份。有啲遭受過性暴力嘅女生pm我，甚至話，佢會想喺眾人面前割爛侵犯者條J，然後推佢落樓。

如果要問SM事件點解會發生、點樣開始，不如就講下潘、我，點樣由小學開始就遭受性騷擾、性暴力。點解咁多年來，不論法律、警察或是社會其他工具例如風氣、道德，都保護唔到我地。唔係淨係我同潘，每次同任何女生，分享自己被性騷擾嘅奇怪經歷，其他女生總有更奇怪更變態嘅經歷去分享。今日我同潘傾開呢樣嘢，有另一女仔路過，然後佢就分享咗14歲時候比人拉去後巷影裸照嘅故事。呢個世界真係CLS 。有乜理由呢啲性暴力可以咁普遍，而施襲者、騷擾者，居然絕大部分可以沒有任何後果、不遭受任何譴責？

如果法律、制度保障到人，根本就唔需要去任何形式嘅私了。（而利申，唔覺得個所謂私了有啲乜嘢好L誇張過份，叔一燒啲人都接受到啦🤷🏼‍♀️）

所以講起SM事件嘅源起，喺鏡頭面前，真係講到我眼濕濕。知唔知潘咁多年來究竟面對緊啲乜嘢？知唔知喺呢個制度下，潘、我、其他被性騷擾、性暴力嘅女生（同男生）係幾咁無助？點解社會保障唔到我哋，但當我哋選擇去用自己嘅方式去處理件事，而且又唔係乜嘢暴力，甚至係Win-win 狀態，社會可以繼續去責怪？

早幾日睇咗一條片，係一個專懲罰戀童癖嘅Youtube頻道，主角係兩個超級大隻嘅俄羅斯男人。總之佢哋就會用14歲女生，去「釣」一啲戀童癖出黎，然後拍片羞辱佢地。然後大家都拍爛手掌。

片中嘅「中伏」人士，睇個樣都唔L係 Smart嗰類。而出黎嚇佢嘅兩個男人，手拿棒球棍、用棍打牆、掉水樽、要佢奶佢地腳、非法禁錮，真係嚇到佢好驚，走都走唔切，對中伏人士所做嘅行為，對比我地係有過之而無不及。（我地嗰個騷擾者，SM直播後唔肯走，堅持要留低，話想渣波）

但點解Russian Dad 咁樣拍片去上位又ok？我分析嘅其中一個原因，係因為報復者係男人，而男人唔似女人咁有原罪。

如果係女人去比懲罰性騷擾者，啲人就會話，「點解你唔block咗佢」「其實你都係主動引佢」「做得XXX（任何東西）你預咗啦」「其實你都想人J你」...甚至會變成攻擊女事主外貌，又或者鬧佢臭雞之類。總之女人受到性騷擾，無論如何佢都有一定嘅責任，無論如何佢都somehow 係有啲抵死。所以去冇資格去為自己出頭，因為無論如何，佢都有錯，差在錯多錯少。

但當一個男人走去報復騷擾者，啲人就會拍晒手掌，甚至覺得好應該。尤其是當個男人係用「父親」「丈夫」「男朋友」呢啲身分，去「保護」「佢地嘅」女性，成件事更加係非常之英雄。而且，作為男人，包容到女人嘅「錯」（例如因為太性感所以俾人騷擾、自己出街所以俾人騷擾etc），胸襟好闊，更加值得嘉許。

所以，女人報復男人騷擾自己 = not ok

男人報復男人騷擾自己嘅女人，好似財物咁 = ok

當然，仲有好多執行上嘅細節、畫面上嘅呈現，會影響觀眾嘅觀感。例如今次咁啱，出嚟嗰個人個樣生得衰，又咁岩事後比新聞報道佢係弱智（輕度）。

但係，如果大家抽離啲去睇，淨係諗吓事情嘅本質。應該唔難發現我講嘅現象確實存在。男人為左「保護」自己條女，而極端到殺死另一條仔，大眾都未必會大驚小怪，可預期嘅反應係會細過SM事件。

我唔知我咁樣諗係唔係偏激咗啲。但至少我想大家知道我係點諗。又或者咁講，喺一個CLS嘅社會，思想唔偏激可能先係唔正常。