過大的胸部😅 超重了😅 (Patreon)

大家覺得我擺邊張相上ig 好？定係唔擺？☺️

Anyways，我諗大家都知道，潘潘去咗療養，有專人照顧。由於佢BMI不足17，屬於過輕，所以營養師安排佢要食油浸菜，要佢增肥😅

相反嘅我，啱啱發現自己BMI好似終於超咗😂 18-25係「正常」，我啱啱去到咗25.2😂😂😂 唉，over咗0.2😂 睇黎我都要療養下，減返呢0.2😂😂

以前我一開始有網絡presence，講緊係2015年前，嗰時我bmi喺21/22左右，好鬼死標準，跟住都要比啲人網絡欺凌，講到我幾咁肥😂

下。首先上鏡肥10磅是常識。第二，當時完全唔肥。第三，肥又點？點解要咁執著人地體型？關佢哋咩事？

不過依家就真係過咗0.2😂 比人鬧咗肥咁耐，終於真係過😂🤣

受到Miss Pun影響，其實我覺得呢啲亂評論別人身體嘅人，好應該受到適當嘅懲罰。我就話睇得好開，仲會利用佢哋嚟賺錢，但好多人尤其是細個嘅妹妹，好容易會比佢哋搞到精神病、抑鬱症、厭食症，我日日都收到唔少訴苦，有啲妹妹直頭要入精神病院治療😟 點解呢啲人亂講亂罵無後果，而個後果要靠我地承受？仲要講緊係，啲妹妹可能會嚴重影響健康，甚至死。好彩嘅好似我咁，化解咗又攞黎盈利，唔好彩嘅呢？心臟不夠強大嘅呢？憑咩傷害人唔洗本，而係要受害者去消化？

可惜我個人無乜怨念，得把口，依家pun退隱，我一個人都好難諗方法去治呢班人架啦😂 就算諗到，都冇力去做😂歡迎大家提供ideas去抗衡呢啲body shamer/欺凌者/多管閒事者👻