SM事件 絕密對話 (Patreon)

事先聲明，無論pun係點，我都係咁愛佢，我無怪過佢叫做累咗我，我完全體諒佢點解會走到呢步。我愛佢，愛埋佢嘅精神病。呢個post希望大家千萬千萬唔好公開，我淨係想解釋比關心我嘅人聽，姐係你地。

ok 入正題。其實我呢兩日都諗左好耐，好無去公開呢啲對話。我唔公開，只係因為唔想進一步影響到pun，之但係，我又有無需要去講返個事實、基本地去保護返自己？我一直對佢有種溺愛，永遠掛住保護佢，反而害到自己。所以今次，我決定喺呢個私人地方，向有限嘅人基本地解釋返我嘅取態。

如果大家有留意SM事件，應該知道唔少人覺得我係共犯、同謀，甚至話我反對性暴力又性暴力人etc

但呢個又係咪真相？

講真，如果黑警爆咗我電話，睇到完整嘅對話，我都幾肯定佢地係無乜嘢入到我。我喺 ig story 有講過我唔認同pun嘅做法，跟著啲人就覺得我割蓆、不負責任。但搞清楚先，我唔認同佢，係有證有據嘅事實，有曬紀錄，我勸佢唔好喺鏡頭前玩SM （即使獲得同意+ 無實際傷害）（佢鏡頭後係唔會玩），佢應承咗，話「好」，我先出去。

我真係估唔L到佢會照做。而當時已經直播緊。我反應唔切。

我完全體諒佢，佢嘅精神狀態一啲都唔好。所以可能當下先會失控。但所謂失控，係在於佢居然覺得可以公開做呢啲嘢。件事本身獲得事主consent，私底下玩，又無任何實際傷害，根本無人得閒理，條皮帶我事後測試過，係完全唔痛嘅。

我覺得呢件事上面，我可以做得更好。或者可以反應快啲去落力啲阻止佢，或者可以講一兩句拉一拉佢，但當下又直播住，我真係反應唔切。但係，要講到我有份去策劃呢件事、「依家先黎割」，完全就係子烏虛有。