被騷擾 但受罰嘅又係我（Fb版） (Patreon)

hello 大家好，唔知大家有冇留意，前日俾人拉咗去，今日凌晨放返出嚟，詳情大家可以睇我Facebook或者IG或者新聞。

我自己嘅睇法係，實際處理手法啱唔啱可以討論，但搵方法反擊騷擾者，呢一樣野一定冇錯。為咗同大家講我會堅持繼續反擊騷擾者，而且事實係我一出嚟，就即刻再遭受同類型嘅滋擾，我即刻又玩左兩個滋擾者，放上fb。所謂「玩」，只不過係喺對方不斷認為我係雞、講露骨野要約我出去嘅時候，真係應承，然後放佢哋飛機，再約另一個騷擾者上去。

結果？原來係我唔啱，我發佈嘅內容係「性剝削」。原來反擊性騷擾嘅人，即使只係用言語，而言語之間沒有任何露骨內容，係性剝削人。而家我已經比FB禁言 30日，而性騷擾我嗰兩個人當然係冇後果。

呢個世界嘅公義究竟喺邊度。遭受性騷擾，講出嚟，然後就會被禁言，變成係我性剝削別人。類似呢種情況已經唔係第一次發生，我有時喺ig講我俾人攻擊，然後簡短一兩句回應，都會因為「欺凌」而比IG移除😂 但明明我係俾人欺凌嗰個。

我真係有少少懷疑人生，係唔係以後連俾人騷擾呢樣嘢，都唔可以反擊，連講出嚟都係錯？所有嘢只能夠忍氣吞聲，默默承受？當然，手法點樣先至叫做道德，係可以商榷，但而家連應佢哋約，再放下飛機，再post出嚟，都係叫做錯咩？原來而家條底線係喺呢度？我將俾人delete咗嘅post擺喺呢度，俾大家睇吓原文。

成個post就係咁樣。乜我有性剝削佢哋？原來咁樣係叫做性剝削？其實我係唔係真係性剝削左佢哋？我已經開始懷疑自己，係唔係我真係連咁樣都叫做錯？係唔係連比騷擾者小小教訓都係錯？我係唔係連咁樣都唔應該做？其實係唔係我已經傻咗，自己一個人喺度玩緊口水唔知？

究竟係乜嘢事，咁樣都要禁言30日，又或者，咁樣都會俾人舉報到要禁言30日。係唔係真係連咁樣都錯？我呢個唔係一個反問，我真係懷疑緊人生。