古堡裡的大床 + 性生活～ (Patreon)

呢個系列好似唔係話好靚😅 可能因為手機自拍鏡喺昏暗嘅環境下拍出來的畫質太差了😭😭

關於拍照質素，其實我幾年來一直有不同攝影師approach，話要幫我拍啲高清靚相，但我係100%全部拒絕。

呢個心態同我性生活匱乏、外表open內裏斯文嘅事實係原出一轍 — 我係唔會輕易信人，亦唔係咁鍾意搞個人崇拜（有啲難解釋🤣）。我係鍾意用自己黎表達一啲意念，或者透過影下相黎滿足下自己啲fetishes，但唔係想用黎討好其他人/吸納粉絲，唔係想要其他人覺得我好睇好正之類🤣🤣 如果其他人對我評價過於正面，我反而會好不安，好奇怪😂😂 （相反有啲人係鍾意被捧）如果比人約到出去影相，點知佢會對我、會對啲相做乜？ #嗰度咪有電話亭囉

至於唔信人嗰度，唔知點解有啲人會覺得，因為我影啲相「尺度大」（佢地認為），所以我份人好easy，好容易可以同我性行為😂 我諗佢地係assume 咗我影相係為咗sexually 吸引人、要人喜歡我（which 其實唔係），或者覺得我係好貪玩、無深思熟慮，先會喺ig post 相。 但其實我應該比一般人更加多去諗、反思性別嘅嘢。另外，我係好難信人、危機意識算重嘅人，我好容易會覺得叫我「去玩」「一齊happy下」「影下相」/ 吹捧嘅人係要害我😂😂 唔係話佢地真係會害我，而係我控制唔到自己咁戒備😂😂 所以我性生活/私生活其實係比一般香港人缺乏/沈悶😂😂 但我又唔係咁mind🤣🤣