我的微整形事件？？ (Patreon)

有跟開我patreon update 嘅都知道，我最近離開咗香港一段時間（我唔會喺公海交代自己行蹤，因為好多人唔知會對我做啲乜），處理少少屋企嘢+公事，期間走訪咗好幾個國家，都有路經台灣。

最近壓力同所有嘢都令我個人感覺不太良好，無時間運動（呢兩個禮拜淨係做咗兩次gym，求其游過下水），然後成塊面又越來越腫、個身越來越發胖，有時都會想快速消下脂。 我要求唔高，唔係要變好瘦改頭換面（都無可能）回復返一兩年前個狀態我已經好滿意。

咁大家都知台灣物價低，服務水準又不太差，我真係諗過喺台灣玩抽脂，最主要係想抽雙下巴，其次係抽肚腩脂肪用黎隆胸😂（見圖，腩肉很茂盛😛）

做咗好多資料搜集，最後，比較靠得住口碑好嘅醫院，報價話要15萬台幣抽下巴脂+ 15萬提拉。 搞其他地方當然仲貴。

DLS，咁貴嘅！整下個下巴都7/8萬港紙！！！我完全唔明點解會有人捨得做！！（超有錢人另計）我當一個單身中產搵8萬，如果要咁樣整一整= 一個月人工無咗，咁點解唔用一個月勤力做運動😂😂 我知有啲位點都係難減，但微整形對一般人（外貌中等收入中等非演藝界人士）黎講真係值得咩😅 仲要面對各種麻醉同後遺症風險！有可能整容失敗！比我真係寧願醜樣少少都唔捨得洗呢筆錢，可能我窮酸啦🤣🤣

最後，我當然係無做，然後覺得用呢筆錢去一轉馬爾代夫，超值好多😂😂 同埋求其做咗個$3000台幣嘅高級facial🤣🤣 樣子始終會衰老，但experience 係永恆嘅🌈

我唔會反對其他人整容，第一唔關我事，第二，我覺得選擇整容都係身體自主嘅一部分。不過我個人嘅想法就係，如果要為追求外表花咁多錢、時間、冒風險去變美，咁不如學習接受不完美嘅自己🤣

利申如果平啲（而又同一水準、專業、口碑）會做咗🤣 當係體驗下🤣