Foodporn: 大件夾抵食韓式小店 (Patreon)

🍴【韓國媽媽】蘿蔔炆牛肋骨飯 

📮【大角咀】 大角咀大全街39號地舖

💰【價錢】～ $108@

🐷【好味程度: 7/10】

同friend買完lingerie, 就喺大角咀呢個充滿小店嘅社區覓食。見到呢間餐廳價錢相宜，本身對韓式食物無乜特別喜愛嘅我地就入左去。

因為唔知叫乜好，就跟左店主推介，order左個蘿蔔炆牛肋骨飯。 呢個係套餐黎，包一個湯同埋自選韓式醃菜（我揀左海帶，唔錯）。

個牛肋骨一黎到，嚇死我，咁大盤嘅！無諗過＄108咁足料！足足有五大塊肉骨，四大塊蘿蔔！

先講味道，個汁係我喜愛嘅偏甜味，有少少似壽喜燒，但又未去到咁甜，我覺得攞黎撈飯超正！之後到蘿蔔，超腍超入味，索曬d汁，每一口都好香甜 :D ! 之後個牛骨，係半肥瘦偏肥嘅肉，脂肪喺口中融化，香味四溢！炆得夠功力嘅關係，骨同肉係一撕就輕易分開，口感一流 :D !

另外我地仲嗌左涼伴豆腐（成磚上）、醉香雞翼（味道ok但質感一般），叫左兩杯飲品，＄200好豐富飽足嘅一餐！