其實我唔mind呢度d相出公海 (Patreon)

姐係咁，我set up 呢度，一開始係玩玩下好奇嘅心態。我鍾意影 + post 呢d相happy share，大家成年人我覺得無問題，有問題嘅係有班人孜孜不倦，喺我post嘅時候不斷道德抨擊我、人身攻擊我。令到我要花好多心神應付，亦無瑕同真正嘅支持者交流。

其實，佢地唔想睇，可以唔好睇，無人逼佢地。The internet is not tailor made for you！我本來對陌生人嘅謾罵睇得好開，但長年累月接受一d 破碎多事嘅人嘅負能量，我都會覺得好攰，加上我讀書同生活都有好多壓力，咁呢度咁啱提供左個好好嘅平台比我，用$黎做門檻，真係有誠意想睇嘅、真係鍾意我嘅唔會搞事嘅，先入黎睇，謝絕hater同花生友。咁我又可以happy share，又可以唔洗面對咄咄逼人嘅hater，可以放d，個腦平靜d，你地又可以睇多d，win win 雙贏。

其實如果hater 唔係咁煩，又無比我遇到呢個平台，d相我絕大部分本來都應該係會公開。講真，ig 隨便search 一個model，尺度都可能大過我好幾倍，我d相其實真係好小兒科，我相信入得黎嘅你地，大部分唔係真係貪我呢副不完美嘅肉軀，而係真係支持我呢個人，又明白我做緊乜，非常感謝💋

所以，你話有d人特登入黎，之後攞我d相周圍貼，我會點？？其實無點，我都好感謝佢地可以為左我花咁多心思，不斷跟貼、追蹤住我每一個動態，甚至為左公開我d嘢，可以特登搶位，比錢入黎做賊，損人不利己都要做。做到咁，其實都係一種愛❤️  

咁當然，我係希望what happens on patreon stays on patreon, 因為我真係唔想不必要地，面對無窮無盡咁多公眾嘅審判，只係想開開心心過自己嘅日子。不過有人係要做賊，放我d嘢出公海周圍send，做到喺暗角偷笑覺得傷害到我，都未免太天真😛  其實我已經千瘡百孔，慣左亦預計左呢d 反面支持者會出現，反而感謝佢地為我宣傳😛👏🏻

我會繼續經營呢個平台，因為我好珍惜喺呢度同你地嘅交流，同埋喺度post相、睇你地嘅comment，我都好紓壓，你地幫左我好多，多謝你地💋 Haters gonna hate, 我地自己enjoy就可以😘

Love,

Emilia