Foodporn: 蟹迷必試松葉蟹石頭鍋飯 (Patreon)

 🍴【穴】海膽蟹膏松葉蟹石頭鍋飯 

📮【沙田】沙田沙田正街18號新城市廣場一期1樓110舖 

💰【價錢】$168

 🐷【好味程度: 8.5/10】

呢個飯我食過幾次，次次都有d唔同（主要係海膽變左北海道/加拿大），但相同嘅係，賣相都係好吸引，而且非常鹹香鮮甜！  

蟹蓋入面，裝住滿滿嘅蟹膏（鹹香）、蟹子（爽脆）、蟹肉（甜/juicy）同海膽（鮮/creamy），加上熱辣辣帶點香口又不至於乾身嘅飯粒，一點點紫菜同芝麻，成個口感同味道真係有如上左天堂，真係好正！😂😂  一口配料，我可以撈幾啖飯，次次食呢個，都唔捨得咁快食晒d配料，但又嫌唔夠飯撈！😂😂  

另外，其實呢間其他菜都好ok的，刺身拼盤啊都新鮮高質，但我就略嫌d刺身貴左dd，要四百幾蚊先一個拼盤😛   

如果鍾意鮮甜、富多重口感嘅創意刺身，我推介呢個海膽魷魚卷（$108）！（上次掛住食無影相，呢張圖上網搵嘅🙈）

魷魚超級爽脆厚切，好甜好甜，包住紫菜同海膽，一入口嗰下嘅質感真係好豐富！唔試對唔住自己。