【讀者分享】 鍾翰林事件：其實這是情報科的手法 (Patreon)

第一，處理手法係用蛇仔嘅手法。蛇仔就係情報科、狗仔隊。即係大概《跟蹤》嗰套電影裏面講嘅劇情點train狗女嗰啲咁。基本上，佢係俾人夾上車嘅。黑牌車落晒簾嘅，跟住特定地點上車、落簾，再去特定地點再debrief。 呢個係典型嘅情報科手法。相信處理佢嘅，就唔係國安，而係情報科狗仔隊⋯ 平日係會不定期有人踩線、跟蹤睇日程。而要佢仔細交待做過乜，就更加係蛇仔要做嘅嘢⋯

第二，就係線人費。基本上亦都係情報科嘅一貫走法。就係一係就做登記嘅線人（要做線人果個人明確表達肯做：內部有index，但係有限制人先知情。基本上以佢咁様係高級警司以上先可以睇到資料），一係就係做casual嘅線人。

登記嘅線人就係由特定嘅警員去負責。登記咗之後，定期去收料。嗰啲料，如果有用，同埋證實係真嘅話，例如達成到某一啲證據或者係控告嘅話，嗰單嘢就可以收最多一萬蚊港紙。如果係casual線人出嚟傾偈，就每次申請大概500到1000咁樣嘅價錢。（有人會為咗養針而自己俾錢條針嘅⋯）所以而家個部門多咗人多咗target。個個都要搵功課交差⋯

第三，就係佢有福利官跟，要定期見懲教署主任。如果個仔唔應機，或者搵唔到佢，甚或有curfew order呢？嗰個懲教主任係可以透過情報科（又係搵情報科嘅）就係落個Wanted嘅指令。即係佢喺條街俾人踢，就有機會俾人拉，即刻返去坐啦。

另外呢，就係可能出唔到境。就住佢嘅情況，基本上就係會落咗個出境限制嘅。限制嘅話，佢自己應該係唔會知嘅，直到佢出唔到境果一刻先知。類似呢類型嘅細路，如果想沖關就三思。因為基本上係警察落閘唔俾你出境嘅，好易嘅亦都冇人會話你濫用權力（尤其而家）。

▶️ 吳宗鑾大律師：拒絕保釋、變相追溯、沒收資產...... 國安法是怎樣的法律？ https://www.youtube.com/watch?v=MJpR_G0ejU8