【讀者分享💰】金融界觀點：雷鼎鳴「廢除聯繫匯率」方案，真的可行嗎？ (Patreon)

過去好多年，每隔一段時間就會有人講吓脫勾，然後好多人就會出嚟講吓pros and cons，我都冇乜新嘅觀點。但今次感覺到有啲唔同嘅係，過往坊間有討論嘅時候，金管局或官員都會出嚟講幾句，話「聯匯制度行之有效冇需要脫勾」etc，但今次，感覺上政府好靜。

現時太多唔同嘅猜測，冇能力去估，只能正路咁分析。理性上覺得現時脫鈎唔可行、弊多於利，如果仍然想將香港當做一個透氣位嘅話…

理論上，脫鈎有咩影響金管局都imply左，主要都係匯率會可能大幅波動，不利貿易同投資。（金管局對聯繫匯率嘅形容擺喺最底）

現實上，而家呢一刻環球金融市場都幾不穩，主要關注嘅係高通漲、美聯儲大幅加息+縮表、戰爭、疫情，就算之前有貿易戰，氣氛都比而家好得多。再睇埋過去一段時間美元大升(美元指數一年升左15%以上)，基本上可以肯定如果現時脫鈎嘅話，港幣跌幅會幾震撼。

短期內改嘅話，投資者對港幣、甚至成個香港金融市場，仲有冇信心？尤其係過往好多現任前任官員都話聯「匯行之有效冇需要改變」，而家變嘅理由，同投資者睇嘅係唔係align？改得一次，市場又好容易會expect改多幾次。

假設同美元脫鈎，佢一係變完全自由浮動，一係改鈎另一隻或一籃子貨幣。完全自由浮動嘅話，上面咁推斷，港幣會跌幾多？香港會輸入幾多通漲？長遠嚟講，香港呢一款經濟體系承唔承受到匯率大幅波動？

過去好多年，都有唔少人suggest改鈎一籃子貨幣，例如好似現時人民幣或新加坡元嗰款”managed float regime”，鈎住一籃子主要貿易伙伴貨幣，同時可以喺個policy band入面浮動。鈎住一籃子貨幣透明度會低過鈎住一隻貨幣，但都叫減少匯率利率波動。風平浪靜嗰陣咁改未必唔好，但而家好似上面咁講風高浪急，一改嗰吓，預備港幣要跌幾多/通漲要上幾多？

假設真係要脫鈎，目的係乜？如果好似雷教授咁講，驚美國加以俄羅斯式制裁，咁同樣地鈎住其他硬貨幣一樣唔會安全。美國唔俾你用SWIFT，唔見得你可以無憂無慮隨時換歐羅日元。 好似上面咁講，自由兌換唔得，鈎其他貨幣唔見得安全，最「安全」就係人民幣，但人民幣又唔係自由兌換，亦唔見得短期內會自由兌換。

附錄：金管局對聯繫匯率過往官方論述

(https://www.hkma.gov.hk/media/chi/publications-and-research/background-briefs/hkmalin/full_c.pdf )

「聯匯制度符合香港的經濟狀況。香港是高度外向型經濟體系，資本帳完全開放，並擁有龐大的金融體系。全年計，商品與服務貿易總值相當於 本地生產總值的三倍多。因此，若海外市場大幅波動，造成金融震盪，香港動輒受到影響。聯匯制度為香港提供穩定的貨幣支柱，減低進、出口商與國際投資者面對的外匯風險。由於美元是本港對外貿易與金融交易所用的主要貨幣，所以美元順理成章成為港元的掛鈎貨幣。」

( https://www.hkma.gov.hk/chi/smart-consumers/frequently-asked-questions/money/b/ )

「聯匯制度適合香港這類小規模開放型的經濟體系。由於香港經濟增長主要由境外因素帶動，因此較大匯率波動所引致的代價遠高於因本地經濟環節波動涉及的代價。而且聯匯制是香港貨幣與金融穩定的支柱，經歷了多個經濟周期仍然行之有效，在過去三十年多次地區及全球金融危機中的表現也證實這個制度穩健可靠。

另一方面，浮動匯率在理論上可以讓央行利用獨立貨幣政策調控經濟，但在一個小規模開放型經濟體系裡不一定能實現。央行理論上可以加息和讓貨幣升值去紓緩通脹，但根據很多新興市場的經驗，加息會拉闊當地貨幣和外幣之間的息差，而貨幣升值可能會制造更多升值預期，這些因素都會吸引資金和熱錢大量流入，從而減弱甚至抵銷了緊縮貨幣政策的有效性。金融市場及宏觀經濟的風險因此可能會增加，因為貨幣升值的壓力在短期內加劇，令往後資金急速撤走導致貨幣大幅貶值的風險上升。作為國際商貿及金融中心的小規模開放型經濟體系，香港若採取浮動匯率制度，匯率可能大幅波動，不利對外貿易及跨境金融投資。」

「基於以下原因，美元依然是最合適的港元掛鈎貨幣或「錨」︰

第一，港元掛鈎貨幣必須可以完全自由和大量地兌換，並完全符合作為國際儲備貨幣的條件，以促使外匯市場操作和日常儲備管理。美元是國際貿易與金融交易中最常用的貨幣。美國和以美元計價結算的金融市場無論在深度、廣度及流通性方面都是全球之冠。另外，聯儲局維持美國低通脹率超過三十年，在維持價格穩定方面有良好往績。

第二，掛鈎貨幣的經濟周期與香港的經濟周期應有同步性。儘管中國內地與香港之間的經濟越趨融合，我們的研究表明，相比中國內地，香港的經濟周期還是與美國更為同步。作為國際商貿及金融中心，香港一直為中國內地與其他國家之間的橋樑。因此，香港的經濟周期受中國內地與先進國家之間的貿易及資金流的影響，大於受中國內地本土經濟波動所帶來的影響。由於貨幣政策的目標，包括匯率政策，是為了減少經濟周期的波動性，因此與美元掛鈎仍是對香港最合適的安排。」