【讀者分享：國際夢工場🎬】《Don’t Look Up》的最後晚餐：真香港人抬頭看見甚麼？ (Patreon)

Netflix製作嘅電影《Don’t Look up》卡士強勁，除咗有男主角Leonardo DiCaprio之外，另外仲有非常之多嘅巨星主演或客串，例如飾演美國總統嘅梅麗史翠普。喺不同嘅平台上都已經有唔少人討論過呢齣電影，認為係一齣諷刺美國（其實係全球）危機處理的不濟以及自私自利，只顧自己嘅電影，這個我完全同意也不想再在這文章中參一腳去寫份影評。我想同大家去分享嘅係電影尾聲的一段時間，就係當主角一家冰釋前嫌，邀請幾位好朋友在家中吃世界末日前最後的一頓晚飯所發生的事情。  

劇中女主角（男主角的同事），與男主角一同跟政府斡旋多次後不果，最後歇斯底里地反政府而被逐出團隊，要回到老家回歸平凡。她在家中附近的一家酒窖找到工作，做個sales妹，咁啱有班年青人來買一支半支酒實質上喺度偷嘢。女主角眉精眼企，明知佢哋偷嘢，踢爆咗佢哋兩句就將佢放走，因為知道仲有個零禮拜都唔夠呢個世界就會終結，冇乜所謂。其中一個年青人認出女主角，便跟她攀談搭訕，最後更在短時間內走在一起。這個年青人的家人一直有返教會，從小到大他都認識基督教的教義，自己卻選擇了叛逆，沒有跟隨父母繼續走信仰的道路。  

經過了幾番折騰，發生過婚外情，一直以為政府會相信自己的男主角，最後也發現是在被政府玩弄，跟女主角一樣被逐出了團隊，黯然回家，他嘗試向髮妻認錯希望重修舊好，妻子看見他落泊的樣子原諒了他，同時間，他的幾位好朋友也一併去到他的家中，共同迎接這最後的日子。  

這班人忙碌作準備「最後晚餐」，當坐下來的時候忽然相對無言。年青人面對着這些他來說素未謀面的陌生人，為着這個將終結的世界顯得不知所措，無助乏力，男主角忽然想起可以向上帝作出禱告，卻又不懂如何開口。當這群人徬徨無助嘅時候，年青人對他們說「讓我在這裏接棒」，按照感恩節傳統，各人互相牽手，由年青人帶領，向上帝作出他們生命中最後的禱告。  可能好多人都會忽略咗這一幕，認為只係電影在哀悼世界終結使用的拍攝手法。在信仰上或對海外香港人來說，這是一個令人反思嘅一幕，充滿震撼。  

相信好多海外香港人會經常去思想，我哋如何喺呢個香港嘅黑暗時代，發出微光。而我哋作為基督徒，可能都會好似呢位年青人一樣，分分鐘可能你唔講冇人睇得出你係一個基督徒，因為我哋喺社會上面生活奔波勞碌，好多時候「燈，已經放了在斗底下」（又或者係好似教授口中所講嘅一班yellow submarine）。在戲中，年青人在群體需要嘅時候挺身而出，做的事情簡單不過，就只係為着一頓嘅晚飯向創天造地嘅上帝作出感恩嘅禱告。呢個禱告嘅力量將席上所有人連繫，每一個人都於過去一段時間經歷顛沛流離，事業上、社會上、感情上都連番受挫，哭遇、恨過、迷失過⋯⋯到最後發現自己係如斯渺小，可以矜誇的，不過是「勞苦愁煩」，到最後「轉眼成空，如飛而逝」（詩篇90篇）。  

禱告過後他們開始分享晚膳，閑話家常。彗星在這時候已經墜落地球，產生了地震及海嘯，屋子在晃動中眾人強作輕鬆，一起接受末日的來臨。  

《Don’t Look Up》嘅意義，除咗係諷刺世人那種自欺欺人以及有權力者欺瞞世界的手段以外，對海外香港人來講，更深重嘅意義就係，當我哋往上一看，睇見將會墜落嘅彗星，就好似睇見那不斷在欺壓同路人的政權，我們看似軟弱冇力，不能作什麼，眼睜睜的看著可能係自己嘅朋友活在苦難當中。  

在動盪不安嘅日子，風雨飄搖嘅時候，我們如何透過自己那卑微嘅力量，去安慰，去幫助，去與他人分享，正是作為海外香港人需要反思的地方。今天是大年初一，讓我們都向那些因為各種不同的原因漂泊海外，顛沛流離的香港人送來一句問候，能夠做的可能不多，但這杯涼水，請不要吝嗇。  

在這農曆新年，但願人長久，千里共嬋娟。