[FB文] 金融(?) [馬里烏波爾關注組]導讀 (Patreon)

連結如下：

https://m.facebook.com/story.php?story_fbid=538059431226663&id=100050678310520

［馬里烏波爾關注組］13個香港人就有1個係千萬富翁（港紙啫），你話有冇錢？梗係好撚有錢。慘撚過剛果添呀。剛果仲有民主添（至少個國名有）（北韓國名都有）（東德都有）

信報原文：https://bityl.co/Byjb

TLDR：呢篇導讀，旨在講明啲基本概念，同埋澄清啲迷思，以及反駁啲無聊問題，等大家唔好嘥時間。下篇同你寫，到底13個人有1個係千萬富翁，係咪「好平常」

1. 首先，計「工作收入」，真係唔係一個太好嘅指標。除咗有咩「李嘉誠幾千蚊人工」之類嘅問題，亦都真係有唔少師奶阿叔，一億幾千萬身家，一個招牌跌落嚟壓死幾幾個可能誇張（視乎個招牌幾大），但肯定唔係少到你可以忽略。至於有幾多，另文再講到

2. 況且，多數人都總會工作變做退休，但「身家」由你幾歲到你釘蓋都適用。而隨住人口老化，又真係越嚟越多人唔係食「工作收入」

3. 仲有，因為過去幾十年樓價升咗N咁多（亦唔止香港），而的確香港求撚其一層樓都千鳩幾萬（可惜我嗰層唔係），所以啲供滿樓嘅老嘢，當然好撚有錢。你身邊總有幾件，甚至屋企都有兩件（係咪日夜想佢快啲死呢），甚至你本人就係（利申：我唔係）。留意我係講供滿咗嗰啲，唔使窄到去咩另外仲有層收租嗰啲。你供滿咗層樓當然就係好撚有錢，冇錯，自住都計。「賣咗瞓街咩」，冇錯，就係瞓街都計，你可以去瞓Oxford Street或者表參道。

4. 仲有啲人講嘅，「好多人生意你計人工多餘」「好多人全職炒股炒樓」，咁你可以睇下政府數據，就知有「幾多人」。唔好忘記仲要可能「做生意」「全職炒股」嘅呢啲人同上面講嘅「供滿」人重叠，而我相信數目唔及「供滿」人多。

5. 然後仲有一樣嘢：好多香港人（係，只講香港人），連咩叫「身家」都唔知，咁講英文，net worth，係咪型啲？差不多每次討論，都總有人拗，「自住樓計唔計」，我真係懷疑你唔識英文定我唔識英文。Net worth，資產減負債，有幾他媽的難明呢？

6. 定你信窮bra bra嗰啲「樓唔係資產係負債」？你話係嘅，聽日將你或者你老母層樓轉畀我，最好醒返一百幾廿萬過我，因為我幫你啃咗啲「負債」—你見到有幾戇鳩未？冇錯，一般人買樓，當然要上會，會多咗舊負債—但仆你個街你左邊同時有舊大資產嘛，扮睇唔到？仲有，你好似有舊首期的。即係撇除所有交易費用（當然現實樓嘅交易費用高），你即時沽返出去，咪拎返個首期咯。咁你呢舊嘢係「資產」定「負債」？除非你買完即跌你變咗負資產啦，但香港而家有幾多？

7. 正經講，你上去各大銀行網頁，check下你層樓而家估價幾錢，再睇下你爭銀行幾銀，減咗佢，咪你層樓嘅net worth—我真係唔明有幾撚難明。以上動作，「我個個月都做」（有時個個星期做添，十分病態，唔好學）。呢個咪就係你今日沽咗層樓（你鍾意可以減埋經紀佣呀預埋個仆街買家講價呀之類），你拎得走嘅錢。到底有邊部份好難明？

8. Last but not least，然後有人都話，以上講嘅都明。「但我層樓自住喎，都要計？」—梗係計！我話知你層樓自住，定係包二奶，定係拎嚟養老鼠，當然計。

9. 「但唔係喎，紙上富貴咋」「沽咗瞓街咩」「其他樓咪一樣貴咗」—聽落好有道理，但都係唔啱的—首先，閣下慳晒啲租錢，又點計？又或者，你可以放租畀人，然後自己住酒店（而家平過租樓）

10. 另外，冇錯，你係可以選擇「瞓街」的。正如我上面講，你可以瞓日落大道，或者烏節路。

11. 你供滿層千鳩兩千萬嘅自住樓，點會唔係你嘅net worth？你沽撚咗佢，然後去忠孝東路瞓九遍都得。再直接啲，根本你拎去台灣（ok, maybe not 台北）食過世都得，去檳城甚麼食幾世都得—而事實你亦見到N咁多香港人沽咗層香港自住樓然後在英國買層更大嘅然後仲有錢剩可以唔撚使做日日上網指點江山丫　—咁借問聲，如果你層樓唔係千鳩兩千萬嘅香港樓，閣下在馬來西亞整Roti嘅馬拉仔，層自住樓值廿萬令吉嘅，有冇得咁？

12. 即使唔計你移民（但而家越嚟越易），我就當你諗住自殺，但死之前散盡家財享受人生（「我唔係講我」），你拎住你沽咗層樓嗰千鳩二千幾萬，我保證你去新田飛地（聽講新界賣水貨的）或者吉原玩到精盡人亡—但如果你係Roti先生呢？「去Geylang玩兩轉好啦」（我知Geylang在坡國，「但頭先個例子都講日本啦」）

13. 所以，是真的，寫正文之前寫呢篇導讀。拜託唔好同我講「我層自住樓供滿咗值兩千萬但唔計」，你～咪～撚～玩～啦。亦都正係因為我遇過唔少咁嘅人，「根本已經證明埋香港人係幾咁有錢」，有錢到唔知自己有錢先係高境界。

14. 最後，呢啲乜乜調查，當然你會質疑有幾「準」—正如下篇文我都會引其他各種數字，一樣未必「準」，極權國家都冇可能知道人人有幾錢身家—但我真係好撚憎啲人話「啲數字唔準所以冇意思」—你去驗血験尿都唔100%準架，冇意思呀，唔好信丫。用套都唔係100%唔會大肚架，以後啲女唔好叫啲仔用丫（後者你覺得好笑？但我聽好多人同我講「打咗疫苗都會中所以打嚟冇用」「戴咗安全帶都會死所以戴嚟冇用」，本城講STEM，真係笑能死人）。

15. 好啦，冇錯，呢篇只係導讀。下篇話你知，香港人有幾有錢。8%係千萬富翁，仲唔撚有錢？冇錯係丫，你供滿一層太古城已經有呢個數唔止—上次我真係有個讀者同我講，「咁好多香港人都有」—可想而知，香港人幾咁有錢！（正經，證明我啲讀者身邊啲人都有錢啫，7%應該唔係叫「好多人」）