[FB文] 金融 [大師冇點你] (Patreon)

FB出左篇文，連結如下：

https://www.facebook.com/ivanliresearch/posts/525593615806578

［大師冇點你］各位觀眾，今年表現最好藍籌，升咗45%。都畀我揀中。係咪有運？都有啲。但係咪pure luck？「其實有數可以計到」

1. 呢隻688，固然我個個月有買，亦都長期有推。咁但，你當然可以質疑，扯，你大包圍，買咁多隻港股，扑中一隻，甚至扑中最勁嗰隻恒指成份股，好易啫。

2. 咁就真係Stat 101嘅問題，但你可以計下。冇錯，我啲港股都算大包圍，應該有成20隻長期買入嘅。之前Patreon都列過晒出嚟，冇得呃。嗰20隻好似多數都係恒指成份股（仲有盈富基金2800，豪埋畀你）。

3. 咁你可以計，purely by chance，66隻恒指成份股中，我揀20隻，揀中最好嗰隻，機會有幾大？可以計下。仲有，最差嗰三隻，我全部都冇揀中。你亦可以考慮埋呢點。

4. 但講返，Patreon呢個post，一年前多啲。但你見我入面有寫，最初講呢隻嘢，係2020年11月，中海外被「制裁」嗰時（而我唔知點「制裁」。炸咗佢啲樓？定唔畀佢買美國水泥？）

5. 入面都有寫，推嗰時，18蚊，而居然唔少讀者買咗。之後隻嘢係咁跌，當然都有啲讀者唔高興（嗰期個市係幾好嘅．啲嘢升慢啲都畀人鬧，何況跌？）。我都有啲淆底，但行動係一切，我個個月買，而家都仲係。

6. 跌到落15蚊，咁當然啲人就「止蝕」，咁我唔知佢之後買咗乜咁巴閉啦。我只知隻嘢而家就26.75，同你「止蝕」時比升咗80%。如果你一年半回報有80%，就應該我訂你Patreon了

7. 當然，冇可能捉到最低位啦，夠膽溝都唔會買得多。但同我最初講嗰時18蚊比，而家26.75。都升五成啦。（當然你亦可以話，好多係今年升嘅，隻嘢年頭咪18蚊左右）

8. 拿，今年升咗45%，最好嘅指數成份股，我個個月買，貼埋，推埋，你都唔滿意，我冇嘢好講。你買港股美股指數，都仲要輸錢呀下。

9. 當然睇到呢度，實有人話，扯，你cherry pick（擺明），跌嗰啲你又唔講？

10. 咁當然係有呢個問題，但個重點幾時都係：我中嘅，贏得多，咪夠冚我輸嘅股票。之前都有貼晒出嚟，港股我真係輸多過20%嘅，得嗰兩三隻（冇錯係平保同埋2828）。

11. 另外，示範埋畀你睇，冧把畀咗你，但總有人中途落車。你自己15蚊「止蝕」，怪誰？我肯定從來冇叫你。同樣地，隻嘢15蚊上返18蚊，你快手即時沽走。或者上20蚊「止賺」，咁又怪誰？

12. 咁當然你又可以話，扯，隻嘢升你就咁講啫。如果一路跌我「止蝕」咪會輸少啲。

13. 但，同以上講嘅一樣。首先，你可以睇下我揀啲嘢，係跌到趴街嘅多（都有幾隻嘅），定升幾倍嘅多（肯定仲多啦）。第二，你揀親啲嘢都係會「跌到趴街」嘅，你閣下揀股都好有問題

14. 而第三，股票呢，係升多過跌嘅。至少我揀嗰啲係。

15. 最最最重要：因為有啲股票會輸錢，我贏嘅，一定要贏得大舊。呢個唔係自大，係剛好相反，因為我明知有時會輸錢。你隻嘢升少少沽咗佢嘅，咁你輸錢時你點算？覺得唔會出現？誰自大？

16. 好簡單，買得大，坐得長，幾隻升得多嘅，食盡佢，夠冚我十幾廿隻輸錢（都冇咁多隻）

17. 仲有，有啲讀者（仲要係冇畀錢嘅添，夠厚面皮）話，喂，你講啲陳年前買落升幾倍嘅，冇意思….（下刪數萬字）

18. 冇意思？刁啦，我sit on 幾倍profit，梗係有意思。你冇買先冇意思。

19. 係架，如果係嗰去一年買嗰啲，好難再有啲升幾倍嘅嘢。神仙咩。但，咪就係話你知，點解而家都要不停買咯，甚至之前一路跌我都一路買。

20. 下一個大升浪時，呢啲嘢，咪又變咗十幾廿年後你屌「冇意思」嘅嘢。

21. 跌市時唔買，升晒先買？咩邏輯呢可？背後都係自大同貪心啫，最好你今日買，聽日升幾倍，然後你沽完食糊就股災。有咁好嘅嘢，你話我知，我跟你搵食，我訂你　Patreon又點話

22. 今晚Patreon會寫多啲。但，你話好難聽，我都係要講嗰句。成日都係同我講，喂，唔好重覆以前升咗嗰啲啦。咁，嗰時你又唔買？

23. 又，「明明話內房爆煲添呀」。但，我咁耐就只係買中海外同華潤置地1109（今年升得兩成，邊及你啲網友咁勁），你估係咪偶然？

24. 最後補充，早排都有講，係架，中海油883今年都差不多呢個升幅。但，中海油歷史高位20蚊，而家12蚊，你不幸摸頂，而家都輸四成。688呢？你摸到頂一頂，32蚊（只係掂咗一下），都只係輸15%左右

25. 就係要搵呢啲，差不多咩位買都唔會點輸錢嘅嘢。當然，你係要18蚊買15蚊止蝕嘅，係冇人幫到你的。你咪睇下你自己係咪咁醒可以16蚊反手買返，

26. 「就真係咪撚問我而家買唔買得呀下」「18蚊時叫你買又唔買」，不過我而家仲個個月買緊，冇呃你，一兩千都係買。

��

�

＝＝＝

富途嘅，唔使link，download 佢個app，用我個開戶碼：9M85BY4D

IB嘅，買啲歐洲股日本股新加坡股，送佢自己嘅股票：ibkr.com/referral/yinha820

華盛，可能都多人未開：vbrokers.app.link/e/ivanli

Webull嘅：a.webull.hk/i/IvanLi

USMART：usmart8.com/kol/r/G6

�