[FB文] 金融 ［嘩美國制裁唔畀買中移動　道富唔做得盈富基金好大鑊喎] (Patreon)

FB出左篇文，連結如下：

https://www.facebook.com/ivanliresearch/posts/518954356470504

［嘩美國制裁唔畀買中移動　道富唔做得盈富基金好大鑊喎］睇過，有幾大鑊？不過，不如成隻摺埋佢算啦，有何不可？仙甩治呀

TLDR：盈富基金過去一年走資幾多話？唔撚使拗的，全部有數字。同樣地，你估下係咪道富先識做？唔撚使拗的，人地有現成做緊。當然，都係有人覺得必理痛就幾百蚊都買，幸福傷風素就送我都唔要，冇所謂的。

換咗恒生有乜影響？今晚Patreon講。但就原諒我記性太好，又重提下舊事

1. 嗰時寫咗文，當然又畀好多人鬧。但講真，who fucking cares？你係畀錢嘅讀者就話。唔畀錢仲要塘邊鶴Page Like都冇嘅，我使乜同你拗？我好得閒？幾萬人覺得肴拉莉係蜥蜴人添，我逐個同佢拗？

2. 拿，訴諸權威呀，David Webb當時都係咁講，話盈富基金應該換經理人。你自己去睇返，睇下佢係咪奶共小粉紅（https://bityl.co/BWph）。就真係到我義和團上身講句，你睇有啲人就係咁撚賤，係要整條洋槍出嚟講嘢佢先覺得有道理，我講一樣嘅嘢就仆街死財演。獨立思考，我挑。

3. 實情美國要禁買中移動，有其理由，到第時唔禁，又可以有理由。之前俄鋁都係咁啦，惡過買鹹書添，Bloomberg 報價都唔畀你睇。而家買返委拉瑞拉石油都得啦，有乜唔得。唔使咁認真。

4. 咁但，當然美國當時就唔會顧及咩道富做緊盈富基金之類嘅東西，「好得閒咩」。況且，亦唔係真係好大生意，你以為盈富基金好大？1000億港紙AUM，收你大約0.05%，5000萬港紙，如果畀我同你就還好，咁但，道富一年收入，講過超過1000億港紙。唔係咁都同阿公計下話？

5. 最撚好笑係，又話走資乜柒。香港人真係聽到走資就扯旗。仲記唔記得嗰時話提爆中銀？又話港紙爆煲？好啦，就當盈富基金走資，你係持有人有乜影響？近乎冇。

6. 事實，你買盈富基金嘅，有冇關心過係走資定流入？應該多數人都冇。你話你有下話？好，咁問返你，過去一年，係走資定流入？答唔答到？

7. 你可以去望下，同當時所謂「走資」比，而家盈富基金單位係多咗定少咗。唔好只係望AUM喎，因為個AUM仲要受恒指影響，當時30000點，而家20000點，應該望個單位數。雖然，個AUM都係升嘅

8. 搞笑之二，講到換咗道富好大件事咁，佢唔做大家冇晒信心。喂，盈富基金咋，調雞尾酒咋，照單執藥咋，分分鐘你啲網友落去都識做。好高技術要求？唔直接答你，例子答你。恒生自己咪有隻追恒指嘅ETF咯，安碩（即係Black Rock，人地先係行內第一）又有，南方東英亦都有。有乜咁撚巴撚要道富先做到？而家咪話你知恒生都做到咯！

9. 實情就係極之generic嘅一樣嘢，咪話Panadol，大家唔同牌子之嘛。你覺必理痛型啲咪畀貴十幾廿蚊，你覺得美資巴撚閉啲唔會司徒夾帶，有必要咪畀貴少少—反撚正BlackRock都係美資架啦。資本主義真好，任你揀。

10. 搞笑三就梗係，當時道富事隔幾日，就已經彈出彈入啦，哦，又話原來唔受禁令限制，明顯打咗小報告，殺錯良民呀官大人，我照單執藥咋，我唔做都大把人做，你益撚咗啲大陸佬咋。合理嘅。咁美國點執法我就唔知啦，但當年居然有人回話，因為係道富（亞洲）所以冇問題，就真係挑戰我常識。不如開間華為（所羅門群島）避制裁，你估得唔得？或者試下同間俄羅斯銀行嘅亞洲子公司交易，然後去美國同個官講，叫網友幫你做品格牛腩麵品格證人。

11. 講咁多，有乜影響？Patreon講。照計，就只有好影響。不過我甚至懷疑，仲係咪要有「盈富基金」呢樣嘢。

12. BTW，你亦可以睇下，到底中移動過去一年股價如何。係喎，美資唔買得，好大鑊。我本人就唔係美國公民，我就持有嘅，你睇下今年升幾多？

＝＝＝

富途嘅，唔使link，download 佢個app，用我個開戶碼：9M85BY4D

IB嘅，買啲歐洲股日本股新加坡股，送佢自己嘅股票：ibkr.com/referral/yinha820

華盛，可能都多人未開：vbrokers.app.link/e/ivanli

Webull嘅：a.webull.hk/i/IvanLi

USMART：usmart8.com/kol/r/G6

================================

Facebook Page：「君子馬蘭頭」ivanlirsesearch．唔係自吹自擂，堅好睇。記住幫手like and share．

Instagram：@ivanliresearch．可能得六成金融嘢，其他飲飲食食無聊嘢。但勝在夠快手，有時啲即市嘢我在嗰邊貼。有時Facebook Page嘅文都會貼過去。

Patreon文章目錄：Google Document，由史上第一篇開始，可以跟題目搵，一般我都將啲公司名塞晒落題目名。預每星期六或日會更新。

我本大作：呢篇文亦有介紹係乜。7萬字，128蚊，最簡單去HomeBlogger訂，可以去佢地尖沙咀辦公室拎，或者加20蚊會順豐畀你，建議Whatsapp佢地客服以免摸門釘。暫時大家訂都幾順利。遲下書局都會有。另外20蚊或40蚊會員年費會員送書一本（記住年費先有），遲下安排，但最簡單係你買咗我回水畀你。