微軟買Discord。之前係Tik Tok 同Pinterest．Box想賣盤，DropBox都嗰頭近啦。又再Lock Down？睇Deliveroo同埋UBER．港股只講一句：物管股 (Patreon)

微軟買Discord。之前係Tik Tok 同Pinterest

Box想賣盤，DropBox都嗰頭近啦。

又再Lock Down？睇Deliveroo同埋UBER

港股只講一句：物管股

1. 話時話，昨日（3月23）知唔知咩日子？舊讀者應該畀我洗晒腦，知道2020年美股就係3月23號見底。有乜教訓之類我費事重覆（但今期經濟一周我寫咗啲），未睇過嘅，就去睇返。你上個目錄度搵返「2020 回顧 + 教訓」嗰堆文吧，總共七篇，由2021年1月3日開始

微軟買Discord。之前係Tik Tok 同Pinterest

2. 未必係好大嘅新聞，但可以拉到好多嘢。同埋畀你睇下點解要訂Patreon（以及叫其他人訂），因為真係環環相扣。固然明白大家未必有時間睇晒，但可以揀嚟睇的，或者快睇，好過唔睇。

3. 先講微軟買Discord本身，傳話作價100億美金，貴唔貴唔知，但對微軟嚟講唔係極多嘅錢。買LinkedIn用咗262億，之前咩Skype GitHub Nokia你計及通脹都差不多近100億。

4. 另外留意，之前傳微軟買Pinterest的，但應該因為太貴而作罷。拿，舊文寫過呀！而當時Pinterest講緊過500億美金市值，而家都400幾億。你買51%都點都要200億，所以100億嘅收購，算係有啲話題，但未係世紀大刁。

5. 至於Discord係做乜架呢？我都唔係好知，但明顯好多讀者知，因為我睇你地Patreon資料有啲人有Discord ID．你問我，咪打機即時傾計。多唔多人用？梗多人用。成億嘅monthly active user．我見Alex流量排名都頭500，比較下講到巴之閉嘅mewe，1500都不入。

6. 買嚟做乜？仙甩治？照計有啲嘅，總好過買 LinkedIn．微軟自己都有遊戲機業務（Xbox），亦可以將Discord（特別係收費嘅Nitro）拼入去自己嘅Game Pass．仲有，如果冇搞錯，Discord係用Google Cloud嘅，搶返去微軟Azure啦

7. 當然留意嘅係，只係傾緊，未話賣得成，Discord似乎係皇帝女唔憂嫁。唔賣畀微軟亦得，甚至乎自己上市都仲得。

8. 咁另外留意啦喎，之前微軟係想買 TikTok嘅（後來似乎隨住美國政府換屆不了了之），亦都似乎係想買Pinterest ，但嫌貴。微軟想買啲「平台」呢樣嘢，十分明顯了，大家可以去尋下寶（但唔易的）。

Box想賣盤，DropBox都嗰頭近啦。

9. 另一邊箱，Peloton（極少講呢間公司）原來舊年都買咗幾間公司。因為唔大，所以都不太重要。但你可以留意下買嘅係乜：Wearables（之前 FitBit咪又賣畀Google），AI，digital voice assistants．都係嗰句，可以去尋下寶（但唔易的）。

10. 但又咁啱得咁橋，另一單故事，講BOX會畀人買（其實係投資者要求佢地賣盤），股價都抽咗上去，差不多近52週高位了。

11. 咁講起Box，正常你當然諗起DropBox．冇錯，舊年已經估會賣盤，我地都推過。固然根本好難捉，亦唔知等幾耐，但老老實實，講嗰時22-23蚊左右，你見而家27.5，差不多新高，你近乎咩位買都贏錢。你睇今年都升25%，唔失禮啦下話？好過買埋啲發夢股。但你又嫌悶．

12. BOX嘅情況差不多，但你見仲悶，好多人都冇乜聽呢間公司，只係DropBox嘅三四份一市值，但今年升咗三成添。

13. 結論？應該今年幾多收購合併做，你可以趁調整買啲有機會被收購嘅公司。但咩公司先會畀人買？就真係唔易估。不過，舊年我地嘅文都寫明係Box/DropBox，仲有間MongoDB（呢隻表現就麻麻，我亦唔知係做乜的）。你見貼啲嘢都真係準—咁當然，都係因為我睇其他newsletter，主要係佢準 — 但我會去睇佢，幫你消化埋，咪就係眼光。正如你嚟睇我，就係你嘅眼光。

14. 又，講到尾，Box/DropBox呢類東西，在自己領域叫做有啲地位（至少我係畀錢Dropbox Plan的），但發唔到大，亦都太單一。講真Big Tech要抄你真係唔難，但反正你都唔係做得太大，不如成間買起你仲簡單（做得夠大嘅？例如Slack或Zoom咁，微軟咪自己整一個出嚟）。

又再Lock Down？睇Deliveroo同埋UBER

15. 首先跟進返，呢排啲航空股（冇乜推）同郵輪股（Carnival CCL，有推，唔少讀者買添）都回得幾勁。我就唔係太擔心，一向都話啲波幅比較大，況且最初推嗰時只係23蚊，畀足空間你。咁當然擔心嘅可能沽咁少少鎖定個利潤咯。

16. 但弱勢嘅原因都值得留意，因為好似歐洲嗰邊啲疫情又嚟過，反覆都係唔多控制到，甚至又要再封城。正係咁，你咪見到啲「重啟經濟股」急回。但我又理解，美國情況似乎冇咁差，我見 Royal Caribbean 都話六月就重開。

17. 正路地，大方向都係向返重返經濟，疫情點都係過咗最差情況，當然中途可能會挫上挫落，你見「重啟經濟股」急回，我又諗，啲「封城股」會唔會又有得諗返下？當然只係短期嘢，因為都話大方向估重啟經濟

18. 諗起嘅UBER！公司定位其實幾有趣，有時啲人當佢係封城受惠股（叫外賣，但留意呢部份業務差不多做一單蝕一定），有時又係「重啟經濟股」（坐的士）。

19. 我比較放心嘅係，股價唔在高位，其實高位已經跌咗差不多20%。早前因為畀人判咗要當啲車手係員工，唔係外判伙伴，即係要有最低工資之類，當然對股價有打擊。但已經反映咗啦。

20. 嚟緊嘅catalyst，好可能係一隻IPO：Deliveroo在英國上市。公司比較醒嘅係，預留咗啲新股畀啲車手，甚至啲幫襯過嘅客，都可以認購。難聽咪話贖罪券洗白，但我覺得公關技倆一流。呢度都有英國讀者有抽！

港股只講一句：物管股

21. 近來的確少寫港股，實在比較悶，又唔係大跌（大跌反而好，有平嘢買），但陰啲陰啲咁，明顯走勢弱過美股了，成交又細，話題又唔多。所以只係提大家留意返，啲物管股仲係逆市升緊。而且早兩日先寫過。

========================================

Patreon文章目錄：Google Document，由史上第一篇開始，可以跟題目搵，一般我都將啲公司名塞晒落題目名。預每星期六或日會更新。