美股又炒新經濟。港股通新貴明源雲909祖龍娛樂9990。Do you know Tesla？印度股市脫離實體經濟，美股過半年份都會跌超過一成。成功運動員多數唔係大仔大女，南非六合彩造馬疑雲。共樂餐蛋麵，京鼎樓小籠包，林東芳牛肉麵 (Patreon)

快評兩句—美股又炒新經濟。港股通新貴明源雲909祖龍娛樂9990

大師冇點你—Do you know Tesla？

每日一圖—印度股市脫離實體經濟，美股過半年份都會跌超過一成

Good Read— 成功運動員多數唔係大仔大女，南非六合彩造馬疑雲

FB Post Summary— 共樂餐蛋麵，京鼎樓小籠包，林東芳牛肉麵

1. 實在向讀者致歉，結果星期日晚嘅文，搞到星期二朝先出到。雖然仲係冇甩稿冇少到，但遲咗好多，十分抱歉。原因係在台北隔離中，估唔到工作效率極低，set up各樣嘢搞咗不少時間，加上出發之前一晚冇訓，一訓就大半日。同埋，Facebook Page貼下隔離期間寫乜嘢，居然就寫咗好多文。

2. 無論如何，都會係keep到之前保證嘅一星期六篇，最多寫短少少。

快評兩句—美股又炒新經濟。港股通新貴明源雲909祖龍娛樂9990

3. 今次真係兩句！事忙冇睇得好貼，但想講兩樣嘢：第一，你見啲美股科技股又跑返贏晒。又話因為疫情。講到尾，固然睇到大trend就最好。但例如呢幾個月，新經濟舊經濟新經濟舊經濟，舞咗一大輪，人都癲。固然可以有睇法，我都有，但埃汾好似其中一句格言係「萬一我/你錯呢？」。所以往往我睇好一樣嘢，但唔會all in（當然「投資」as「一樣嘢」我就 all in）。新舊經濟都買啲，咪簡單咯。

4. 第二樣，港股通新貴，北水買得，以上呢兩隻，明源雲909，同祖龍娛樂9990。我斷估你唔會炒隻渤海銀行。但講明先，只係因為入港股通先睇，絶對唔理基本因素，我連兩間公司做乜都唔多清楚，三個月後爆煲唔關我事。只係睇幾日。望落你估我會揀邊隻？答案係明源雲909。冇錯，已經新高再破頂，但反正都係齋短炒，就似乎搵隻momentum 好啲的。記住，十分投機，輸錢貴客自理，同埋冇叫你渣到過2021年。

大師冇點你—Do you know Tesla？

5. 唔使補充啦可？之前冇睇文想睇多次嘅，可以睇呢度。嫌太長嘅可以睇我明報嘅文，當然係寫完Patreon先會出明報。「ASML同Nike又新高我都費事寫了」

每日一圖—印度股市脫離實體經濟，美股過半年份都會跌超過一成

6. 印度股市脫離實體經濟　—基本上近年一聽到有人講「股市表現脫離實體經濟」，我已對佢講嘅內容打個折。寫過唔少文討論呢句嘢嘅虛妄同廢。首先定義極唔清楚，點先叫脫節？另外，亦經不起實證。你睇印度股市升到high high，但GDP係大跌的。So？最奇怪係，講呢句嘅往往就係唔買資產嘅人（即係，冇乜錢嘅人）。而當經濟好股市照跌時，佢地係唔會出嚟講「做乜經濟好但股市會跌」。所以講到尾就係眼紅人地賺錢。

7. 美股過半年份都會跌超過一成—信報嘅表，幾好用。留意美股已經係近N年嚟最強嘅股市，之前亦次次股災後都會反彈破位。但，即使係咁，你見都有差不多3份2嘅年份入面，佢都會高位隊一成。講真，嗰啲話要10%就止蝕嘅，唔知可以點買股票。真係跌完自己會買返？好難的。

Good Read— 成功運動員多數唔係大仔大女，南非六合彩造馬疑雲

8. 都係嗰句，呢度嘅文我多數都唔貼金融。Believe it or not，睇得太多金融反而令你失咗判斷。要平衡下

9. 成功運動員多數唔係大仔大女—最出名嘅例子當然係 Williams姐妹，家姐勁，但細妹仲勁。仲有好多呢啲例子，有嚴謹研究，亦出咗本書（文中有提）。點解會咁？文入面有講。

10. 南非六合彩造馬疑雲—南非六合彩開咗5,6,7,8,9,10。頭獎廿注中。畀人話造馬。暫時未有進一步證據，所以都幾難判斷。可能只係巧合？

FB Post Summary— 台北美食日常

11. Er……變咗貼嘢食嘅文，有人問我係咪轉行做食評，咁但當然我作風就會講埋其他嘢，呢幾篇都有。齋講嘢食嘅我就唔放呢度了，你鍾意可以自己去睇。

12. 第三餐，共樂餐蛋麵—寫到老細（香港人！）都出嚟回，順手講下台灣人食嘢文化

13. 假裝在日本　—　介紹第四餐嘅「京鼎樓」，日本分店多過台灣。講埋日本人集體行動信自己友嘅文化

14. 第四餐，京鼎樓小籠包—呢篇冇乜講其他嘢，但為求完整放埋

15. 第五餐，林東芳牛肉麵—呢間出名，當然又係講多咗其他嘢，講口味嘅轉變