升市個個股神，股災見真章。Tesla ASML BlackRock三寶又新高。社交平台而家個個都差不多。疫情下多咗學生拎A。Grit and Ingenuity，Mark Cuban點解唔肯做mentor。大快活拎補就業錢去貼股東？ (Patreon)

快評兩句—升市個個股神，股災見真章

大師冇點你　— Tesla ASML BlackRock三寶又新高

每日一圖—社交平台而家個個都差不多。疫情下多咗學生拎A

Good Read—Grit and Ingenuity，Mark Cuban點解唔肯做mentor

FB Post Summary—大快活拎補就業錢去貼股東？

1. 如果有睇Facebook Page嘅應該知，埃汾嘅個人Facebook被禁言3天，Hate Speech喎，Whatever．幸好有分身，要在Page出文都仲出到的。

2. 另外，埃汾下星期日（12月6日）就去台北，仲要落地隔離14日。相信唔會影響寫文，甚至有幫助（唔寫文仲有乜做？）。但反而係怕去之前呢幾日會忙到拆天，找埋啲食飯數啦，做核酸測試啦（唔做冇得上機！），唱錢啦，同埃汾太慶祝生日啦。希望唔好甩稿。

快評兩句—升市個個股神，股災見真章

3. 之前道指又30000點，剛剛Nasdaq亦都歷史新高，咁當然係開心嘅。但，真係又學科斯托蘭尼話齋（好似唔係佢講？），第一個樂趣係贏錢，但第二個樂趣係輸錢。用人話講：唔跌，邊有得買？

4. 當然唔係講你捉到跌300點然後反彈500又沽到呢類。而係事實上，個市不停升，但你買夠貨未？好現實，往往你手上嘅倉位升多幾倍，都未必夠你退休，係咪？係正常嘅，因為我啲讀者都唔係太老，仲有收入，仲會（hopefully）升職加人工嘛，咁你啲錢一路會有，但未買夠，唔跌點掂？所以係咁升未必好事。

5. 呢排亦開始見到一街股神，呢個又隻隻中嗰個又隻隻中，其實真係唔難，指數都新高，咁你啲個股新高有幾難（請睇今日嘅「大師冇點你」）。但我想講，其實呢個Patreon面世（8月中）後冇耐，9月10月況都好差。再遠啲，呢個Patreon嘅前身係HomeBlogger嘅收費專欄（所以我一路感激諗Sir），面世時正係3月中，市場一片哀號。但我都係always bullish, stay invested，對不？（可以睇下今日篇 Good Read）

6. 你可以睇下，今日講到天下無敵嘅嗰班人，3/4月嗰時，咪又一樣話有排跌。所以真係跌市先見真章。呢排你肯買敢搏嘅，多多有得升—但點樣下個浪唔嘔返晒出嚟先見實力嘛。

7. 過去一個星期，呢度已經多咗40個讀者，感謝感謝，唔多唔少都好似係覺得「準」。但我做定期望管理，過去呢個月咁嘅市，要準容乜易？第時就唔係咁的了。我都係想提升大家水平，多過畀冧把的。

大師冇點你　— Tesla ASML BlackRock三寶又新高

8. 再講一次，係經常出現的，ASML直頭舊年12月Seminar講（咁就一年）。BlackRock都係年中在Homeblogger講了，兩隻都令人十分放心，訓得安落。Tesla就另一回事，我早兩星期先開始轉軚，只係炒入標普指數，買咗嘅自己小心，12月21日入，分分鐘到時散水。

每日一圖—社交平台而家個個都差不多。疫情下多咗學生拎A

9. 社交平台而家個個都差不多- 哈哈哈，著實大家都係抄嚟抄去。可以睇原文，太短我費事放Good Read．

10. 疫情下多咗學生拎A- Economist 嘅文，有話疫情下今年公開試嘅考生特別慘，可能係。但見到至少在歐洲呢，今年派A係鬆手咗好多。原因？有啲公開試取消或縮短咗，改為老師評分。咁首先老師總想自己學生或自己學校好，全部肥晒的話老師都畀人話。另外，老師評分呢樣嘢，就實會畀啲家長加壓力，我個仔明明資優，做乜你話佢唔係A？

Good Read—Grit and Ingenuity，Mark Cuban點解唔肯做mentor

11. Grit and Ingenuity—Charlie Biello嘅文，好短。但又係講返3月尾嗰時嘅事。佢就正面好多，冇好似我咁鬧人。中心意思就係講Grit and Ingenuity，辦法總比困難多，永遠唔好低估人性嘅光輝。我就話，基度山恩仇記話齋，人類一切智慧，都係四個字，等待和希望。幾時都係心存樂觀，你見有幾多個末日論嘅有啖好飯食？

12. Mark Cuban點解唔肯做mentor—對，有啲錢，成日出嚟講嘢，NBA Dallas Mavericks嘅班主 Mark Cuban。當然好多人搵佢做Life Coach Business Coach，但佢一一拒絶，佢唔信呢套。佢認為係走捷徑，況且，「話可以教你成功嗰啲人，自己嘅人生又成唔成功？」。哈，美斯理論！（忠實讀者應該知埃汾嘅美斯理論）

FB Post Summary—大快活拎補就業錢去貼股東？

13. 大快活拎補就業錢去貼股東？—就只係出咗一篇文，但幾有啟發性的說。講到尾，錢冇記認，既然有人代出糧，公司咪有錢賺，咁有錢賺而派息，好合理啫。派息幾千萬之嘛，拎保就業拎咗成億幾。個Excel在今次個Post Attached Files 有。