［飯後甜品］LVMH股價破頂。Netflix製作只佔串流市場3%。華爾街依然好歡迎中國公司。美國互聯網」的終結。再講Patreon。無目的地客機 (Patreon)

大師冇點你—LVMH股價破頂！

每日一圖—Netflix製作只佔串流市場3%。華爾街依然好歡迎中國公司。

Good Read—「美國互聯網」的終結。再講Patreon。

FB Post summary—香港航空半個鐘賣晒「無目的地客機」。賣機位vs賣樓vs新股定價

1. 應該見到分開咗兩份嘢，係為分拆開做準備。再講一次，目的主要係吸啲一舊水都嫌貴嘅人，加上如果分開兩份寫，可能正文（我啲評論）二四六，「大師冇點你＋每日一圖＋Good Read＋FB Post Summary」一三五咁。咁我就可以輕鬆啲，攤開嚟寫（實情就連一三五休息都冇埋）。

2. 再次強調，現有讀者唔會受任何影響，你呢刻畀呢個價錢睇到嘅嘢，只會多唔會少。頂多係你會分開兩日收到（日日有文收，仲開心？）。呢個十分重要。似乎我嘅Patreon嘅取消訂閱率係偏低的，很好。

3. 另外，星期六反正無聊，同大家更新下少少埃汾近況。第四季應該會幾忙。首先係美國大選—我唔係美國人，唔關我事，但大把嘢寫，亦係搶收視搶訂戶嘅好時機。第二係之前講過，年尾要去台灣，嗰邊隔離十四日，返嚟又隔離十四日，可能有時間同大家做個視像直播或你問我答。仲有，都好似講過，要寫書。Patreon讀者……係會有折嘅（免費？唔好咁啦大佬）

大師冇點你—LVMH股價破頂！

4. LVMH股價破頂！—費事又貼BlackRock啦，雖則股價又再新高。LVMH都有之前寫過下，亦在HomeBlogger啲片推過。星期五又破頂。原因係第三季啲銷售好靚仔，有機會在長文或Facebook Page講。

每日一圖—Netflix製作只佔串流市場3%。華爾街依然好歡迎中國公司。

5. Netflix製作只佔串流市場3%—原文都唔長，免費。但就話以串流收視分鐘計，觀眾睇嘅嘢，得3%係Netflix自家製作，似乎同大家想像中爭好遠？

6. 華爾街依然好歡迎中國公司—雖然話制裁乜乜乜，又話要經香港先拎到美金。但事實係今年非常多中國公司去美國上市。原因好多，但留意股價表現都不錯，否則冇人肯要。

Good Read—「美國互聯網」的終結。再講Patreon。

7. 「美國互聯網」的終結—應該之前貼過Benedict Evans呢個網，十分高質。引子好簡單：1994年開始有互聯網時，半數電腦在美國。而家？八九成互聯網用家係美國以外，中國手提電話用戶多過美國西歐夾埋。抖音事件就引證咗後果—美國人用嘅東西，並唔係美國公司，亦唔會理你嘅法律。二三十年前係想像唔到嘅

8. 再講Patreon—又一篇講Patreon嘅文，亦都有講佢嘅對手。呢排唔少，我懷疑係咪開始想上市？遲下我都會寫Patreon。

FB Post summary—香港航空半個鐘賣晒「無目的地客機」。賣機位vs賣樓vs新股定價

9. 兩篇都係講航空公司嘅 香港->香港 客機，冇乜特別，但多人睇。呢排又顧返多啲Facebook 收視

10. 香港航空半個鐘賣晒「無目的地客機」—好合理，因為平，同埋只係賣100張。甚至之前買咗快運嘅都可以買多次，唔同公司嘛

11. 賣機位vs賣樓vs新股定價　—　多少少分析，講推呢啲機位，好似賣樓咁。先放少少出嚟試下水溫。但機位有啲唔同，因為啲人會爭頭啖湯，之後再推可能冇新意。同樣地，新股好難咁樣定價，只能一劑過。