香港作家的末日 (Patreon)

啱啱上出版社攞上半年度的版稅！當然係少得可憐果隻，即係冇乜人買書的結果！編輯小輝千叮萬囑叫我不要把真實銷售數字擺上網！我當然明白呢個唔係我個人嘅問題，你成個書市場嘅崩潰問題！但數字都係好真實嘅，之前復刻嘅書，銷量其實係好慘淡，所以編輯而家都講緊有好多未復刻嘅書都諗諗係咪應該再復刻，因為現實世界係冇乜人買，呢啲真係冇得呃人！

無奈嘅，呢個行業實在係夕陽工業，買書嘅人比起10年前少咗九成！而作者本身唔係有啲家底要靠版稅生活就死得啦！而作者出書，間接養活出版社多個職位同事，多個門市同事，但繼續咁落去應該都會完全結束㗎啦！

咁今日我同編輯傾開，呢個時代最好賣嘅書都係啲比小學至中學睇嘅兒童偵探小說，咁我話不如我就轉寫呢方面嘅書啦！真係冇計！很多時候辛辛苦苦寫本書出嚟，而家真係冇人肯俾錢買書，唔係我哋晦氣說話，係現實根本唔會容許你繼續寫落去！因為成本都返唔到嚟！你叫出版社點生存呢？！