西九龍交通部行動基地趣事.下 (Patreon)
Content
而M sir亦講到當年我喺尖沙咀警署大閙完之後,我仲主動同佢老細傾開尖沙咀警署裏面嘅鬧鬼情況,因為當時有線人同我講,涉及Hello Kitty藏屍案因為未及時破案兩星期後離奇自殺嘅女警馮小燕,就被好多尖沙咀警署嘅同事見到佢嘅鬼魂返嚟,我當時就問馮小燕仲有冇返嚟啊,而當時佢哋係答依然鬧鬼!M sir話當時聽到先知呢件事!
咁M sir就即刻同我講喺現場西九龍交通部曾經發生嘅靈異事件!佢指指我哋附近冇開燈嗰間口供室(其實係六號房)佢話以前呢間房有張三人大梳化,原則上係比夥計夜晚返嚟休息用,咁以前試過好多次,有夜間同事返到嚟,熄咗燈瞓係張沙發,突然間見到個全新黑色嘅男人靈體就會企正正喺瞓覺嘅同事隔離碌大隻眼望住佢,有同事見到唔敢反應、有啲繼續訓、有啲慢慢起身即刻走出去!咁我問會唔會係交通部死咗個同事返嚟,咁佢話最近果次就係佐敦漆咸道俾車撞死嗰個交通警,但係所有見到呢隻男鬼嘅人,都可以清楚望到隻鬼嘅樣,係唔認識嘅人,所以唔係嗰位交通警員!M sir就認為係以前紅磡警署嘅同事死咗返嚟都唔定,因為西九龍交通總部以前係舊紅磡警署!後來我又諗吓,會唔會其實係比交通警打死嘅手足來到搵吓邊一個係兇手?!
咁我錄完口供,M sir就偷偷地帶我入咗6號房參觀,因為上級好注重呢單鬼故事件,決定將成張三人梳化丟左!換咗張兩人梳化,等啲人瞓唔到,盡量避免同事呢間房瞓覺,仲要拆咗個電視機盡量避免人留喺呢度,佢話所以盡量大家都唔會用呢間房錄口供,漸漸變成一間廢房!
提返先!西九龍交通部裏便係唔俾影相㗎!嘅手機自己撳掣關我咩事!
左邊房門嗰間!
以前喺紅磡警署