大陸新移民的角度 (Patreon)

早陣子，同我一個老友A君傾偈，A君是某左派傳媒高層，本身是深黃，所以對著公司一眾藍絲同事好難頂！

A君跟我分享他們真正的想法：「佢哋大多數係1996年、97年由大陸嚟到香港嘅新移民，佢哋相當相當明白中國共產黨嘅運作同埋處理方式，佢哋覺得大陸係冇自由冇民主，尼20幾年佢哋好享受喺香港擁有嘅一切，覺得而家香港好民主好自由（對比大陸），於是乎佢哋覺得而家香港人尤其是班年輕人，如此對抗中共，中共一定會用極強硬手段壓制香港嘅民主自由，佢哋用呢個角度認為所以呢班香港年輕人係剝奪緊佢哋嘅自由！」吓！

佢哋嘅思想諗法係荒謬，係將責任推比香港人而唔係推比中共，但係佢哋真係咁諗，簡單講句就係極度自私！佢哋唔係唔清楚大陸幾衰格，但係覺得我哋香港人爭取自由民主係破壞緊佢哋享有緊嘅自由民主！冇辦法，佢哋係一個奴隸出身嘅社會！其實真係冇辦法說服佢哋㗎！悲！