西九法院外傳 (Patreon)

還要寫多一個相關外傳，話說當日旁聽個細嘅，大約中午准許繼續保釋，佢父母就閃走咗，咁我就陪佢落3樓處理埋保釋手續啦！點知等左10幾分鐘，個法庭職員話放lunch前都唔會攞到落嚟㗎啦，你哋去食飯兩點後返嚟先啦！咁我同個細都打咗個特，就同個職員講：「你知道未辦好保釋手續，法律上係唔可以離開法院個可？！」個職員竟然答：「唔使守㗎喇係人都係咁㗎啦！」OMG！香港法治！咁好啦，我就陪兩個細去附近食飯先，食到2:00慢慢行返去法院，都已經2:20pm，個法庭職員都話未得啊上面仲未比番張紙落嚟啊！真係黐孖筋，首先嗰張紙係法官簽完嘅過底紙，我諗20 g都冇，而6落樓送去3樓，到底有幾困難呢？要由12:00送到2:30都未送完？！咁我哋又繼續等，等到3:00我嘅細嘅開始火滾，就走埋去用流利嘅全英語問個職員幾時先可以搞掂，呢啲咪狗奴才囉，個職員聽到全英文就即刻跑去後邊又馬上攞到張紙返嚟喎！5分鐘內又搞掂個保釋啦！仆街冚家剷即係你哋玩嘢啦！咁我又忍唔住走去同另一個職員講唔該俾個聯絡方法我我要進行投訴！嗰個老屎忽職員知道玩大左，不斷好聲好氣同我解釋今日人多啊太亂啦我自己都好亂啊！冇啦，我會堅持投訴！

仆你個街香港政府，由無理拘捕、到上庭、到審訊、到保釋......全部都喺度玩我哋年輕人！自我凝聚下一代對抗政府嘅力量！黐孖筋！