黑口罩的原罪 (Patreon)

話說因為疫症同某個老友已經幾個月冇見，所以早幾日先同個老友可以食飯，席間佢講咗一個「笑話」話說早兩個月開始佢哋成間公司上上下下都會戴口罩啦，咁佢因為之前喺韓國買咗啲口罩就用住嗰啲先，咁每次返到公司佢就感覺到奇奇怪怪，點解好似個個都望住佢咁嘅呢？直到大約一星期後，佢走出露台除低口罩食支煙，佢同事就問佢：「你都幾大膽個喎！」朋友：「咩事？」同事：「你真係唔知㗎？！」朋友先至從同事口中知道，原來之前有個返工職員戴咗個黑色口罩，咁岩俾公司大老細見到，咁呢間公司算係香港大企業，亦都係藍色背景，大老細就認定嘅前線同事戴黑色口罩係同個社會運動有關，就即日俾人炒咗！（當然係我眼中認為呢個係無故解僱啦！）咁我朋友驚一驚，就即刻上外國網訂左一盒口罩，寄到來一打開......竟然都係黑色嘅！佢事前完全唔知！屌！咁第二日佢帶住個新黑色口罩返工，個個同事都話佢咁勇啊！佢話我想㗎！冇其他色口罩用啊！當然後來佢訂到啦！原來黑色口罩都有原罪㗎！