摩門教正式喺中國大陸起聖殿 (Patreon)

睇到呢單新聞簡直令我震驚！中國大陸竟然准許摩門教喺上海興建聖殿？！

不過諗深一層亦都唔係太突然，大家都知我本身同摩門教關係都幾密切，咁兩年前我參加佢哋喺會展嘅大型活動嘅時候，我們交投都同我講得好清楚佢哋嘅高層同中共關係非常非常非常之密切，香港某啲高層甚至同中南海有直接聯繫！而若果有聽過以前節目都知道，喺美國嘅情報機構裏邊好似CIA咁樣，係有好大量嘅摩門教徒，衰啲咁講摩門教原則上都算係美國「國教」，咁冇理由中國大陸唔知情個喎！奇怪！

但話分兩頭，由上年呢場社會運動開始，我都打聽過摩門教徒嘅取態，要知道香港好多摩門教徒嘅高層都係藍，但有好大量嘅年輕摩門教徒係黃！甚至我知道有摩門教徒係前線手足！當你一個龐大嘅組織裏面有兩個陣營一啲都唔奇怪，但中國大陸容許摩門教喺上海尼個核心地段起聖殿真係超級離奇！