一個變質的社運神父 (Patreon)
Published:
2020-04-15 03:28:35
Edited:
2020-04-15 04:32:56
Imported:
2021-07
Content
今朝睇報紙見到一位叫余理謙神父喺家鄉愛爾蘭感染武漢肺炎死亡!對於呢位余神父其實我一啲都唔認識,反而令我諗起另一位神父K!因為近排喺天主教圈子裏邊我哋傾談起呢個神父K!話說K喺八九十年代與香港社會唔同嘅社會抗爭事件之中都會見到佢,為低下層發聲為小眾發聲,當時好多人都覺得佢好正義,但係有啲故事外人係唔知。好似八九十年代佢幫水上人爭取政府編排公屋,呢個神父K死都堅持自己都係水上人而且冇資產,一定要攞到間公屋為止!當然由嗰陣時開始到今日佢都住喺公屋,咁呢個當然係濫用社會資源啦,因為佢本身喺香港天主教教區係有地方居住而且免費居住!佢認為咁樣係同政府鬥氣,但係變相咪令其他人冇得上公屋囉!去到近一兩年,呢個神父K就開始針對陳日君,經常喺天主教大大小小嘅會議裏邊公開發難,潑婦駡街咁鬧陳日君,話佢搞社會對抗,話佢政治化,話佢阻止中梵建交等等!對於好多天主教徒來講,真係莫名其妙,除咗話佢比中共買通左之外,大家都冇嘢可以講!咁人係會變嘅,就算以前幾正義幾為民請命幾對付政權,老咗就會痴線、就會依附政權!往往都好似係不變定律咁樣!唉!