零售業贊助計劃的虛偽 (Patreon)

話說政府所謂推行零售業贊助計劃比零售業嘅資助，原來都非常非常虛偽！！今日係最後一日限期，咁始終我老竇間古董鋪都係一間零售店，當然同香港人一樣過去半年都差唔多係零收入！咁我就叫我老竇攞定張商業登記正同銀行戶口俾我嘗試登記攞個八萬蚊啦！點知頭先上網一睇，其中有兩樣嘢佢一定要提供，包括一張2020年內的強積金供款單，但古董店係我老竇One man band，佢過咗65歲根本就唔需要供強積金，咁佢點會有張強積金供款單呢？！！！第二政府話要一張2020年內商店使用嘅電子支付終端證明文件，可以係信用卡、八達通、易辦事、支付寶或微信支付，我真係屌你！我老竇40幾年都係用現金交易做古董，即係呢個政府係唔容許你現金交易！再絕啲咁講，就算你係做零售商舖受到疫情打擊冇收入，只要你係過咗65歲同埋平時用現金交易政府就當你死㗎啦！！！

Ps原來有兩樣都得我試下搞唔搞到