心痛年輕手足 (Patreon)
Published:
2020-04-11 07:04:24
Edited:
2020-04-11 07:04:47
Imported:
2021-07
Content
這幾天,心情也不太好,事關睇住啲年輕手足情況,真係心痛!
話說一個早幾個月俾克警濫捕之年輕手足,係我眼中真係一個細路嚟嘅啫,得十幾歲!佢引發好多情緒問題最終激發咗驚恐症!咁我就於是帶佢去睇精神科醫生處理下啦!暫時都處理到個問題!
另一邊廂,又有同個20多歲嘅手足食飯,咁佢經常肚屙,咁佢就同我講,自從中大事件之後佢就屙到而家啦,要係經常都係屙水!最初我仲以為佢係緊張精神狀態問題,原來嗰幾日佢係中大吸得太多太多太多催淚彈,之後就出現呢個情況,個肺都覺得唔多妥,早排其實佢又去睇中醫,食住中藥,但由於中醫叫佢唔可以夜瞓唔可以飲酒,但佢又搵唔到工只可以喺酒吧工作,點早啲瞓點唔飲酒啊?所以又冇睇中醫啦!依家酒吧又開唔到,連收入都冇曬!咁我都有支持佢生活費嘅,暫時都撐得住!但對住呢班後生手足我真係幾心痛!唉!