分享80年代令我曾憤怒的嘅郊遊照片 (Patreon)

話說80年代讀緊中學嘅時候我就經常同呢位曾經係我好老友嘅同學一齊去周圍玩，佢係高材生嚟㗎讀書好叻，我就差好多啦！咁有次我提議我同佢喺青衣島登上最高峰嘅「三支香」山頂，喺最高峰就用我架菲林相機互相幫大家對方影相！大家睇吓個結果係點！之後我曬完相我真係嬲到一個地步！我同佢講：你高材生嚟㗎影張相都影到我冇咗個頭！有冇搞錯啊！後來呢位同學移民咗外國，之後失去咗聯絡好多年，大概10年前到搵返佢，已經發現大家話題少好多啦！之後就冇見面添啦！但呢幅相我會記一世！