美國主流否定椰子油功能之陰謀論！ (Patreon)

今日想同大家講係一個有趣嘅陰謀論！話說幾年前開始我就已經唔會再用香港同大陸出產嘅任何食油，嚟到煮飯食，我就改咗用椰子油煮飯，一來比較健康啲，二來其實唔知幾多人知道用膠樽盛載食油係有好嚴重嘅膠微粒問題。

咁近日，我就買咗樽來自所羅門群島嘅野椰子油，目的係揸我濕疹嘅地方（自細都有嚴重濕疹）！真係唔用過唔知道咁誇張，用咗幾日已經有明顯改善！（反而茶樹油我有敏感用唔到！）當日買俾我嘅職員都話唔單止啲人係用嚟對付濕疹，好多人係用椰子油嚟刷牙令到牙齒非常健康！

咁我就想講幾年前我聽過陰謀論，話說其實椰子油煮食、用藥、對付皮膚敏感、甚至刷牙，都係非常之好嘅天然物品，但呢個比較New Age嘅說法，喺美國主流社會同政府係完全唔鼓勵甚至有啲打壓！咁有人就同我講呢個本身同佢哋唔鼓勵New Age冇直接關係，係純粹因為經濟利益！試想想，除咗夏威夷有生產椰子油之外近乎全個美國49個洲都冇呢種貨物同天然生產，若果鼓勵同承認呢種椰子油嘅功能，消費者之後信任，美國商家就要喺東南亞地方購買大量嘅椰子及椰子油去進行銷售，運輸費用就會大大增加賺唔到啲咩錢，冇乜經濟利益，所以你會見到只係東南亞國家出產椰子嘅地方先至會鼓勵呢樣野！

相反美國加州及佛羅里達州出產大量鮮橙，咁鮮橙有維他命C對付流感以及增強抵抗力，呢種說法就係美國大行其道，因為會助長到美國本土嘅經濟、商家及農民嘅收入！

當然要表明我冇做任何相關椰子油嘅生意及出售商品，就係因為近排用過覺得非常之好所以諗起呢個陰謀論！不過用椰子油刷牙我都係未接受到！😓