黑警「救護」 (Patreon)

昨日跟朋友講到非常之討厭近日蘋果日報專訪一個「警察救護」，即係嗰啲其實係警察但係會着救護衣服聲稱係現場會救助同醫治被打示威者嘅所謂「黃警」！好坦白講我真係一啲都唔信，同埋做乜鬼蘋果要訪問一啲咁嘅警察去洗白呢？！咁琴晚我遇到一個前線救護老友，我就問佢現場有冇呢啲所謂警察救護呢？佢話真係有嘅！咁咪話佢哋真係會救人？老友同我講：「會！等到啲黑警打完個示威者咪先走過去囉！一定唔會去阻止警察打人㗎！之後走到被打傷示威者嘅前面再踢多兩腳添！」仲要佢同我講得好清楚呢啲所謂警察救護其實主要都係救自己同袍並唔係佢救助示威者！佢只係咁多個月來喺沙田衝突之中見過警察救護去幫助治療受傷示威者！嗱！呢啲都係現場目擊幾個月嘅人嘅證供！我唔信你咩着救護衫嘅警察會幫我地示威者囉！慳啲啦你地！