電影〈叔•叔〉影評 (Patreon)
Content
星期日下午看港產片「叔·叔」優先場,其實整套電影看得我非常沉重!這絕非是導演的本意!但我還是看得很沉重......故事其實簡單,就是講述兩個因為社會及家庭壓力等原因的男同志,結婚生子,隱藏自己直至退休,才面對真實的自己,並且要隱瞞自己太太及子女去跟同樣情況的同志拍拖!導演也是根據香港真實情況拍這套電影!〈叔·叔〉真實感非常重,而且不少場景取材真實男同志活動環境。沉重是因為我知道這情況在香港簡直是冰山一角!我認識不少朋友,明明就是同志,但不能面對社會所謂道德標準,還是選擇了娶個老婆,生兒育女,假扮直人;甚至不像電影般退休找回真我,他們假裝直直至死亡!我又有一個舊教會朋友,日間是個直佬基督徒,夜晚是個攣的基佬,有天他還是決定结婚了,要娶個教會姊妹!Oh!Come on!我認為對個女人唔公平!但一切是誰的錯?社會的錯?其實我覺得香港人係極度保守!一直喺度扮開明扮開放!對同性戀嘅避忌同歧視係大到無倫!最終很多同志迫於無奈要結婚迎合呢個社會!就算導演係優先場之後講述要搵兩個中老年嘅演員扮演同性戀,竟然都係極度困難,cast 咗超過110人先至最終搵到兩位演員肯做呢套戲,仲要其中一位男主角係台灣邀請過嚟!導演話有好多演員一講到係飾演男同性戀者就拒絕,有啲就話唔願意有錫嘅場面、有啲唔願意除衫等等等等!呢件事已經反映到香港人係幾保守同幾反智!做戲做演員都驚,大家可以諗下實際社會裏面忍住嘅男同志係有幾驚!而電影裏面另一個角色,係一個耶撚仔,一直都懷疑自己老竇係男同志,於是乎用盡一切手段迫使父親參與教會要佢強硬認同自己嘅基督教家庭觀念!呢種情況係香港亦都係冰山一角!一個同志叔叔,以往要面對父母嘅道德觀、社會嘅壓力,最後都要面對自己仔女嘅眼光!其實真係好悲哀!所以我覺得成套戲其實好沉重!但電影還是拍得不錯值得一看!