斯諾登終於講UFO！ (Patreon)

「另異突發新聞」：今朝一早起身即刻見到呢單新聞，我係相當興奮之後又相當失望！之前已經講過好多次，當年斯諾登出賣美國出走之後，UFO界已經盛傳佢手上邊有美國政府關於外星人嘅檔案，關鍵嘅時刻就會公諸於世！咁我哋等啊等等啊等等左幾年，結果CNN啱啱報道完佢上咗一個網絡訪問，終於公開講呢件事！首先原來呢條友真係對靈異野好有興趣喎，佢當時仲係作為CIA情報人員嘅時候，就已經去美國幾個大部門嘅檔案搜查關於UFO同埋其他神秘事件嘅嘢！咁佢講到明，好肯定美國人係有登陸月球！溫室效應應千真萬確！Chemtrails不是一個實物！當講到外星人嘅時候，斯諾登話佢離開之前查晒美國軍部、CIA、NSA所有網絡嘅檔案，都發現唔到美國政府有隱藏外星人嘅秘密，佢認為外星人冇到達過地球，或者外星人冇同美國嘅情報機構有任何聯繫！佢認為若果有，美國政府一定係將外星人嘅秘密收藏得非常非常之完善！當然睇完呢單新聞我有兩個想法：第一，我又唔信呢個前情報人員，可以睇晒海量嘅檔案,而且美國政府要收埋秘密你呢個小小嘅職員係咪真係咁容易找到先？！第二，如果你有跟開我啲嘢嘅話，你都知道我對斯諾登係抱有好懷疑嘅態度，我甚至覺得佢係美國政府個鬼！所以呢單新聞出嚟之後我反而更加對懷疑大左，大佬！我手上CIA、NSA、FBI關於UFO個檔案都大把喎！你反而話睇唔到！奇！