「天堂山莊」影評 (Patreon)

今日第一日上畫就諗住即刻去睇呢套我以為係科幻片嘅「天堂山莊」啦！開個頭都OK嘅，最初鋪排好似去到一個邪教組織咁樣，氣氛唔錯！慢慢慢慢你越睇就越唔對路！導演編劇到底噏乜春啊？到底係講緊反叛青年為自己理想逃避、定係講緊個科幻世界篩選人口啊？又或者講緊未來世界同性戀繼續被迫害呀？！點知你越睇就越覺得每一個情節都唔合邏輯、每一個劇情都係散修修，明顯係將所有過往科幻片當中嘅內容左抄一部份右抄一部份！你唔好話致敬呀吓！若果你個故事比較完整我都放過你，點知去到臨尾結局個真相係，匪夷所思到嘅地步係：簡直係迷你境界！乜事呀你！無端端變咗套cult片！可能套戲目的就係要攞奧斯卡最佳服裝獎！完！我好少叫人唔好睇戲！呢套真係接近垃圾級別！嘥咗個橋段嘥咗個噱頭！唔好浪費自己錢唔好浪費自己時間！話自己天堂嘅通常都係地獄！