矛盾 (Patreon)

看到PCCW出嚟個反港獨全版廣告，令我想起當年ViuTv想邀請我做「矛盾」第二季，我上去傾傾啦！佢哋想我拍曹宏威去台灣五日，去下鬼屋咁！首先毫無新意二來主持費少得可憐！不如我比返你算啦！於是我反建議：既然曹生係政協，我係反建制，一齊去台灣訪問王丹講六四啦！不過我話可能你老細小小超會唔高興！但成班監制、導演話：「無問題！老細好開明！」我哈一聲！「你地唔好低估你老細嘅保守程度喎！」（後來我決定不做，他們把我的idea叫了另一人去訪問王丹！結果大家都知，小小超震怒，腰斬了整個「矛盾」！我又神預！）會議結束前，他們要求我求其幫Viu拍段嘢！我話：「係咪講乜都得？」監制：「講乜都得！」（人們總是高估自己！）我對住鏡頭說：「Richard!你Rich,但你唔好咁柒啦！比咁少主持費！唔好cheap啦！要做傳媒大亨，闊綽D啦！」講完全埸呆曬！我話：「若果你地播到！我免費幫你做矛盾！」😂😂😂😂😂😂