一個藍絲家族故事 (Patreon)

想分享一件真人真事！話說尋日食飯遇返其中一個聖若瑟師弟，佢講返俾我聽六月份當佢去圍警總嘅時候，曾經消失左八個鐘頭到底發生左乜事呢？原來當時佢喺警總出邊，近住正門嘅位置，咁突然間就有一炸中年警察出嚟，將佢帶入左係警總裏面！原來個故事係師弟老竇係因為已經退休嘅老差骨，親自跟過三個警務處處長，而佢亦都帶大好多警察，於是乎當好多細叔伯見到佢喺出邊就非常之震驚，就叫左佢入去坐低左喺個房間輪流八九個老叔父講道理又有用粗口鬧佢又有，當然佢亦都無動於衷，大家好無奈咁又要叫返佢出去，所以曾經出邊啲示威者都以為佢係鬼因為無端端俾人捉咗入去又安然無恙出返嚟，佢又樣衰嘅其實佢本身又好鬼似警察！咁呢三個月佢完全投入呢場社會運動，上個星期佢老竇就寫封WhatsApp俾佢，同佢啲個仔絕交！就算死咗都唔使黎送殯！都唔知當笑話定當悲劇聽！