原來真係有現眼報！ (Patreon)

話說點解公務員搵我去發表聲明係一個好聰明嘅做法呢？就係會避開左好多法律問題，要我先肯去做呢個中間人！好啦你有睇我Facebook都知，上個星期幫果班公務員發公開聲明，其中有啲公務員就唔抵得覺得我攞彩，覺得我騎劫左成件事！咁我以後咪唔幫囉你尼班！咁今日收到消息，佢哋其中有公務員以為自己掌握一切，蠢到用自己部門嘅抬頭logo，發信比300個公務員去聯署，並無經我做任何野！咁你用官方系統去發放官方抬頭去聯署，而唔係用第三方力量去做，咪瀨晒嘢囉！今日收到消息嗰位公務員個部門阿頭知道之後，開咗個會，啱啱決定報警因為呢個係一份虛假文書！我之前俾你地利用俾你地又過橋抽板，依家你哋咪自己做囉！即時賴嘢！嗰位公務員若俾人告上法庭，俾人炒冇得返轉頭，仲有機會坐監留案底！原來真係有現眼報！呢件事我唔會幫拖㗎！我亦都唔會話俾傳媒聽幫佢哋㗎！你不仁我不義！