又再出現 (Patreon)

嘩！尋晚半夜三更翁靜晶留言WhatsApp俾我，我就知大件事！果然不出我所料，又有鬧鬼事件啦！若果有睇我N年前商台個show、或者有聽翁靜晶自己電台節目講，當年佢幫緊某宗冤案嘅時候，冤案死者出現咗喺佢屋企，後來過咗幾個月仲糾纏，某個晚上我就去咗佢屋企連同當時仲在生嘅劉師傅，一齊喺佢屋企探鬼，如果發現這個靈體應該附左喺佢後院棵樹上邊！咁今次發生乜事呢？話說都平靜左幾年，呢幾日佢後院經常聽到女人喺度喊！而且嗰棵樹正當翁靜晶諗住修剪樹葉嘅時候，竟然生出左一個疑似人面嘅東西！！！我同佢講我下次再去現場探測一下啦！有需要我就帶啲驅魔用具去現場驅魔！我講返聲先其實我唔係驅魔人啊！只係幫朋友咋！