美好新世界 (Patreon)

琴日提到我買咗本香港出版嘅書叫「香港三合會」，裏面講述左好多幫派嘅起源發展等等，其中包括新義安、14K、和勝和等等。其中作者形容得最詳細嘅都係新義安，無他嘅，佢依然係香港最大同勢力最大嘅黑社會幫派！雖然內容非常之詳細好好睇，但係始終有一啲可能係刻意忽略嘅內容，就不如等我補充一下啦！而且我係節目不可能講㗎！係咪咪咪咪後野！話說書本裏面有講到係50年代尾當香港政府雷霆數月要打擊所有黑社會之後，好多黑社會就希望走上地面登記公司名義繼續以合法形式營運，其中新義安就成立咗一個叫做義安工商總會，幫助各堂口做生意，要知道新義安無論由起家到後來勢力範圍，都離唔開尖沙咀，你睇向氏家族統治整個金巴利道你就明啦！但我話書裏便刻意唔提嘅就係原則上統治緊整個尖沙咀嘅大商業王國「新世界」，鄭氏家族無論當年起樓收樓等等都係搵新記嘅人士去幫佢哋處理！你若果心水清你就明！曾經尖沙咀有個老叔父同我講：「你知唔知最早期新世界登記嘅公司全名叫咩呀？⋯⋯新義安的世界呀！」咁之後我就明晒啦！早期作為新記嘅人員跛豪，佢阿媽就住喺尖沙咀河內道，當年佢阿媽過身可以封咗整條河內到進行法事！而尖沙咀4街重建，又係新世界攞晒所有發展權！正如本書裏便都有提到，80年代新世界中心裏面間大和餐廳，其實就係日本山口組住香港嘅堂口總代表而且係同新義安合作嘅地方！新世界簡直就係合法包裝但佢代表着整個地下世界嘅商業利益！而依家香港政府同新世界合作到交接無縫，大家就明點解㗎啦！畫公仔唔使畫出腸掛！