警察爆房新消息 (Patreon)

話說早幾日有單新聞話一個警察經常帶住個女警同事去安全屋爆房！新聞引起牽連大波！當時我就覺得成件事太古怪，因為起碼有5份主流傳媒報紙係可以影到嗰兩個人離開安全屋！咁離奇？安全屋都會俾傳媒影到、知道位置、仲影到兩個警員出入？！今日就收到消息原來成件事係有另一個版本，話說個警察根本冇同女同事爆房，首先，嗰個女人唔係女警而係一個測量師，佢哋其實唔止兩個人而係一大班人上去安全屋做工程，所以帶測量師去現場其實亦都合理！只係果位警察唔知係咪辦公室政治，得罪咗某個同事就作左成個大故仔交俾傳媒！但係我嘅角度無論件事係真嘅定係作左個故仔，嗰個警察內鬼向傳媒爆晒所有嘢，就公開左個安全屋嘅位置，非常之唔專業唔道德！聽聞依家警隊高層就查緊邊個內鬼爆料俾傳媒！同埋開頭單新聞話佢哋爆房都好奇怪，安全屋有閉路電視㗎！去搵個閉路電視嘅地方爆房？不如去九龍塘開房啦！