余仁生古堡前世今生3 (Patreon)
Published:
2019-01-17 06:52:17
Imported:
2021-07
Content
「余仁生古堡前世今生3」:最後一部份當然係最重要果一部份啦!若果你有買過我本「香港異譚」,你就知道我曾經寫過余仁生古堡嘅故事同埋當年就係大埔尋找佢一個風水墓地!但10幾年前去到現場,個風水墓仲係俾水浸晒,乜都睇唔到!但呢次因為相關人士將前面嘅淤泥同水抽左一大半,並且親自開閘比我入去睇,咁就隱約見到當年 余東旋古堡下面嗰個古墓嘅尖頂同埋「抱手」!唔知大家夠唔夠眼力睇?當然對於呢個古墓我哋有幾個猜想:一,當年余東旋起古堡嘅時候,就已經有呢個古葟,所以拆卸古堡嘅時候,無意中保留着呢個冇記錄嘅古墓!二,可能係余氏家族前人嘅墓地,但係若果係佢哋祖先點解唔遷墳呢?呢個係好奇怪?莫非又係關於個沮咒問題?唔拆得?!三,就係余東旋起古堡嘅時候將附近嘅亂葬崗集成呢個義塚,由於長期浸係水裏面變成一個風水局!到底邊個版本係真嘅呢就冇可能有人知㗎啦!因為而家相關人士都唔會起墳或者遷墳!大家認為邊個版本先啱呢?