【醫美附圖】 痛足兩星期😅？🥵俾針拮到紅曬🥶 (Patreon)

距離上次同大家更新，已經三個星期（其實唔係好耐哈哈😆），期間我已經做多咗兩次療程，每次都做幾項😆呢個post所有嘅圖都冇P過嘅，俾大家睇最真實嘅效果，但大家唔好嚇親😆💦

呢兩次療程，我都有做hydrafacial，即係深層清潔去角質吸黑頭，想了解更多可以睇返之前嘅post～ 輕輕煥膚後，先開始入療程正題👍🏻 不過呢兩次keep住做，都冇第一次咁污糟啦，證明保養得宜😆✨

距離第一次進入醫美中心，只係接近兩個月，我就已經去咗四次，暫時可以總結出我做嘅療程有兩個方向：

1. 塑形提拉 改善整體輪廓

2. 改善膚質

1.

塑形提拉亦都即係第一篇提到嘅hifu、thermage，我暫時做咗兩次，效果都唔錯，都真係幾提拉😂 但作為一個幾忍得痛嘅人，第二次做嘅時候我真係痛到差啲叫出聲😅 因為佢調高咗能量，下巴好貼近骨嗰啲位，打落去真係成個頭都痛埋😅 但係我忍住咗😂 治療師都好好嘅，有keep住問我係咪真係頂得順😂 我覺得可以頂嘅就盡量頂啦😂🙏🏻

大佬，之後我痛咗起碼兩個禮拜😅 keep住覺得下巴、咀嚼肌、頸好酸痛，而且仲腫腫地🫠 令我都有少少唔開心，覺得係咪出錯💀 但而家已經所有症狀已經退散，輪廓方面亦都有效果睇到出嚟。

上面右圖係即時做完第二次hifu嘅效果，同完全未做之前分別非常大😂 我做多咗資料蒐集，原來hifu係會有消脂效果😂 不單止收緊肌肉提拉😆 所以我塊面會輪廓出咗、緊致左、仲尖咗😂

其實，我今日係比上面右邊嗰張相更加緊致，因為過咗修復期，效果更顯著。但因為我唔喺同一間房同一個燈光，所以影出來都唔係太覺，就唔放出嚟比較啦😆 最主要係下巴嗰條線，尤其後方再明顯咗、蘋果肌再提升咗🫶🏼✨🤍

不過治療師都話，我嘅效果算係特別快+明顯😂 我上網睇過資料，其實hifu嘅原理係破壞組織然後再生✨ 我本身有做gym、食高蛋白diet，新陳代謝、修復能力同營養應該比一般人好，我諗係因為咁所以效果顯著😆

2.

關於膚質，其實我一向都唔差，但有越來越退步嘅傾向😂 最主要係越老越乾，導致眼底細紋、法令紋乾紋浮現。皮膚乾，就會想出油去調節，令毛孔都開始變得比較粗大、黑頭明顯，尤其是面嘅中間部份，即係鼻周圍嘅皮膚。我亦開始有少少雀斑、膚色不均勻及暗啞等問題🥹 但其實一般人正常距離望，應該係唔多覺嘅😆

雀斑方面，我至今打咗兩次laser，唔係淨係打塊面，仲打埋隻手，但係laser效果冇咁快見到，起碼都要幾次，所以呢度都未同大家更新住。

眼底嘅細紋方面，之前都講過，做thermatrix可以幫助提升，改善下垂，幫助膠原增生。但係乾嘅問題都係未咁快解決到。所以今次sales建議我做一個療程，係可以深層保濕嘅，做全塊面，特別針對我個鼻同埋附近嘅粗糙毛孔，我就好心動即刻試做。

個療程係用一個有好多支針頭嘅儀器，不斷喺臉上面打窿😆 mesohyal™ HYALURONIC + mesyohyal™ ORGANIC SILICON ✨ 用微針技術導入透明質酸+生物矽😆 深入底層補水+鎖水💦 呢個療程係用3「格」即係 $1800～

一做完係紅到我唔敢出街😂 但半個鐘之後，已經散咗70%，去到第二日夜晚，已經冇晒紅啦，可以正常出街😆 呢個療程雖然不斷俾針拮，但冇我想像中咁痛，基本上可以話唔係好痛，不過個人認為效果非常之好😂 其實一做完塊面雖然好紅，但係我已經見到毛孔收細左唔少。過咗四五日之後，到拮傷嘅皮膚死皮都甩晒，直頭好似有一層新嘅皮膚😆

我本身毛孔粗糙嗰啲位真係收細咗好多🤯 困擾我多年嘅少少黑頭問題亦都改善咗好多😱 唔知係咪因為silicone本身係好有光澤，所以而家我塊面都成日好有光澤，感覺好水潤😂

因為做咗咁多療程+laser，我都有更加注意保濕，所以相得益彰，其實而家我覺得我差不多可以完全接受到自己素顏出街🫶🏼 反正我化妝技術本身都唔係太好，如果我可以調理到皮膚狀態好好，唔化妝嘅皮膚閃令令，仲靚過化妝，咁我就真係冇乜必要化了🫶🏼

而且，我啲眼紋、法令紋，都的確因為hifu+各種保濕療程淡咗好多，而家我真係暫時諗都唔會諗要打咩透明質酸針啦😂

———————————

呢兩方面都係我會繼續執修嘅，尤其是膚質，我覺得係仲有好大進步空間！起碼雀斑一定可以全清先！然後我每隔個零月又深層保濕一下，希望越來越好🤍