【附圖】第一次醫美！$6萬我覺得物超所值！ (Patreon)

來了來了！本人第一次醫美分享！

（最底有福利圖，不要錯過😏）

首先要講一講我嘅背景。我媽媽喺美容方面非常樸素，連護膚品都唔係好搽，基本嘅Facial都冇做過，平日唔會化妝。所以關於護膚、化妝、保養，我基本上從來冇乜概念，本來亦唔係好重視，而家我對於塊面嘅維修，基本上都係零零碎碎咁自學😂

受媽咪嘅影響，我咁多年來係從來冇做過任何醫美，連Facial 都只係做過三四次，係最基本保濕嗰種，純粹心血來潮想試做。不過我皮膚一向都唔差，其實唔係好使特別做啲咩。

25歲之後，我發現皮膚狀態每況愈下😂 法令紋、眼紋開始浮現，而且毛孔開始粗大，膚色開始變得唔平均，有啲色素、斑開始浮面。當然，一般人包括當日嘅美容師、我上不同節目嘅化妝師，見到我素顏嘅樣，都仍然係讚我皮膚好好嘅😂🙏🏻 不過我係同緊25歲前嘅自己比較，而唔係打算同社會整體水平比較，我知自己皮膚狀態唔差，但亦好肯定真係比之前差咗好多。有少少唔想接受呢樣嘢😭

其中我最介意嘅，一定係隻眼。首先，我覺得自己好多眼紋，真係呢一兩年先變得越來越誇張。另外，我更加在意嘅係，眼皮尤其是左眼，越來越下垂，下垂到一個點，直頭有時係會遮蓋左下眼簾。我由本來嘅雙眼皮，變成腫泡泡嘅單眼皮😭

不過，都要視乎狀態、角度：狀態好、向下望嘅時候，雙眼皮會出返來；

但亦有好多時狀態一般，向上望雙眼皮必定消失，就連向下望，眼皮都被遮蓋😭😭

呢個狀況我已經睇唔過眼咗起碼一年，但一直未扚起心肝去處理。

上星期五我做完gym，突然覺得橫掂有時間，與其上網係咁search點樣處理，睇埋啲混亂嘅資訊，不如直頭上去一間醫美店，直接問人可以點做😂 於是，我就直接行咗入去gym附近嘅一間，當然，其實因為由於我間gym喺隔離，我一早就知道呢間店嘅存在，而且較早前仲search過下，好似口碑唔錯咁，經營咗好多年，我當日先會膽粗粗行入去。

不過因為唔係賣廣告，同埋亦都唔想負責，所以我唔會開店名，請見諒😂🙏🏻

入到去，直接就有得諮詢😂 美容師一路聽我講我對自己狀態嘅不滿，其實佢聽到擘大晒個口😂 佢覺得我根本冇我講到咁差，幫我卸妝後，仲係咁讚我皮膚好好，覺得我指出自己皮膚缺點係「謙虛」😂 其實我唔覺得皮膚好有啲乜嘢咁叻，多數都係天生，所以唔需要透過踩自己去謙虛😂 我真係唔喜歡皮膚某啲狀況，想改善，所以先會上嚟😂

我認為我的眼部狀況：

聽完我嘅訴求，美容師建議我做兩個療程:

1. 全臉Hifu

即係透過超聲波能量去緊致筋膜層肌肉，令全塊臉提拉，同時刺激膠原增生

2. 眼thermatrix

加熱真皮層嘅纖維，刺激膠原蛋白增生。其實我都唔係好知咁多，當時我淨係想試吓先，反正治療師話保證有即時效果😂

試做嘅話，咁樣做兩樣，只係二千幾蚊。我覺得既然講到有即時效果，不如唔好估估下，喺度諗有冇效不如做啦，上網輕輕睇過，話基本上冇副作用，咁最多咪冇咗$2000，於是就坐言起行立刻做了😂

療程開始，首先會敷面膜，做個簡單嘅保濕Facial。可能我皮膚真係太乾啦，雖然我日日都有搽唔同嘢，亦有努力鑽研點樣去好好護膚，花咗唔少金錢同時間，但今次我先發現，原來都喺道行不足，長期冇去深層保濕，影響都大。其實一做完個基本嘅保濕Facial，我已經覺得眼紋少咗啲笑死😂😂😂

之後就開始Hifu。做嘅時候其實有少少冤痛，都要忍吓嘅，但痛我真係冇所謂，最緊要靚😂 而且其實我做gym，都長期keep住各個部位肌肉痠痛😂 當日去，我個人旅行回來都有啲唔舒服，加上周身都肌肉酸痛，唔爭在加埋Hifu嘅痛啦😂 相對之下只係微不足道，反正本來都全身又痛又攰😂

做咗半塊面之後，我睇一睇…CLS…好誇張，嗰邊面完全提起咗，連眼形都唔同埋，而且，我仲feel到自己不自覺喺度笑，因為嘴邊肉、下巴，都提拉咗唔少🤯

當我做完全塊面，我直頭忍唔住笑，因為效果實在太明顯了！

呢幾日，我成日照鏡😂 我而家基本上絕大部份嘅角度，對眼都冇再下垂，完完全全保留返本來嘅雙眼皮😭 呢兩日我見咗中同、媽咪，佢哋都話我成塊面firm咗好多，對眼真係精靈返，逆齡回到過去😭🤍✨

以我所認知，而家仲未係效果最明顯時期，三個月後等膠原增生周期，會係最顯著！而且，其實我而家係「維修」緊，而唔係「保養」。我上網搵過少少資料，加上醫美店治療師嘅意見，我頭四個月，應該要做得密啲，可能每一個月都要返去做一做咁樣嘅組合，等皮膚膠原狀態變到最好，之後就進入「保養」期，到時唔使做得咁密。

於是，我已經有心理準備，要有規劃地去利用醫美令自己皮膚、輪廓達致最佳狀態！當美容師sell 我package嘅時候，我基本上都只係猶豫咗一陣，就一擲千金買咗6萬蚊😂 6萬蚊，係有100「格」 + 額外$2萬療程額，每次去做不同療程，就可以扣「格」數，大家可以睇吓以下嘅餐單：

因為我預計自己一開頭「維修」，每次都起碼要用5格，之後再要長期保養。我而家眼紋、眼袋嗰啲仲未好滿意。另外，我計劃要開始keep住做深層保濕同清潔facial，維持最佳狀態。最後，我仲想做雷射，處理膚色不均、斑等少少瑕疵，呢啲都係要keep住保養嘅。如果買少啲「格」，平均每一格就貴啲咁。

買咗package之後，當日試做嘅療程仲免費咗😂 即係而家係當冇扣過任何錢😂

由於我真係希望長期作戰，慢慢提升自己嘅外在氣質（內在都會keep住提升ofc），所以就一擲千金啦😂 我真係冇乜花過大錢喺自己外表，就算整頭髮買衫，可能都係幾千蚊嘅事，今次真係第一次無啦啦攞五位數出嚟搞自己個樣😂 做gym我都應該有花五位數嘅，但做gym就唔係淨係外表上嘅改變，而係改善身體，所以不納入同一類😂

當日仲有啲搞笑細節。話說美容師建議我日後可以試吓打botox瘦臉，我同佢哋講，不了，我鍾意包包面😂 呢個係我特色，我覺得幾可愛😂 同埋我做開尖、對營養學有研究，其實我想瘦面係好容易，只需要正正經經健康減肥，一個月我都可以健康地瘦到10磅，對我嚟講唔難，只係我冇必要咁做😂

包包面🥰😆🤍😆

佢哋一開頭唔知我從來冇試過做其他醫學美容療程，我啱啱做完gym就走咗過去，佢哋仲問我，個蜜桃臀係喺邊度做返嚟😂 佢以為係整出來的😂

不過佢哋有建議，我法令紋嗰度，可以打填充，好快解決。其實理論上我唔抗拒打針，但係我覺得可以試咗非入侵性先。暫時嚟講，如果做hifu最後都提拉得好好，令法令紋都減淡好多，我就覺得盡量唔好搞咁多嘢啦，less is more😚😎

嚟緊我會去做其他療程，到時可以再分享🥰🤍