【多圖】透視小內褲～ 長文慎入～感情觀🤍 (Patreon)

尺度更大嘅相將會繼續放喺其他Tier🤍

最近覺得我自己喺感情上，真係一個唔容易滿足嘅人😵‍💫 所有人都一定有優點缺點，有時仲要未必係對錯，而係跟不同嘅人相處，都一定有夾同唔夾嘅地方😗

但可能我自己實在太完美主義，加上年紀越來越大，對令自己煩惱嘅事容忍程度越嚟越低🤓 我而家係少少讓步都唔想、少少委屈都唔想有😫 有時未必係對方做錯事，只係有啲範疇唔係完全夾（但好多其他範疇可能都夾），我已經會覺得好委屈咁😅 不過講還講，我就係因為有努力經營感情，唔輕易放棄，所以先會覺得委屈😂 現實中，無論係長定短、深定淺嘅關係，我一旦開始左都會努力去付出、遷就、妥協，但我覺得要搵一個真正符合到我所有（或大部份）需要嘅情人實在係太困難。我都唔係講外在條件，例如外貌、財力嗰啲，已經完全唔計算，而係追求嗰種同我身心靈嘅契合，然後又要相處到唔需要我自己喺度自覺委屈，我覺得真係好難好難😩 根本咁樣嘅人可能係唔存在的😅

其實呢一年，我都喺度work on一個好重要嘅課題，就係同自己相處。咁多年來，自從10幾歲開始拍拖，我身邊從來都不缺情人😂 但其實冇一個我真係覺得完全適合🤣😂 我認為，只要我戰勝到孤單，唔需要一定有人陪，咁我先至可以獲得真正嘅平靜、先可以靜下來有機會搵到真正合適嘅對象。而最近我覺得喺呢個課題上，我係有所進步。尤其是專注做運動之後，我將更多嘅時間花喺自己身上，變得更享受獨處☺️

我覺得講到底，其實人應該要自給自足，唔係淨係講生活上，呢樣嘢我一早已經達到。而係講緊，可以唔需要透過其他人，都可以完全獲得精神上嘅滿足，咁先係真正嘅自由。而我仲要非常努力咁樣去修為同埋學習😮‍💨