胸肌好腫🤓床上睡前記錄🐱 (Patreon)

前日我自己操咗胸，尋日就畀教練執動作，唔算太chur，但都係胸😆 夜晚返到屋企，我胸肌腫到爆充曬血😆 自從注重健康後體脂降低+年齡漸長，胸部尤其是上胸明顯冇咁飽滿🤓 我而家成日都有少少body image嘅掙扎，例如今日我去做gym，我戴咗有鋼線嘅胸圍，會幫助托起胸部，成個胸就會好圓潤，但我發現我反而唔鍾意、睇唔慣，鍾意自己個胸俾sports bra壓到有啲平、幾自然嘅嗰種感覺，好似好fit咁🤣 但係有啲時候，我又會好想自己個胸飽滿圓潤啲，body image成日飄來飄去。

Anyways講返胸肌，大家睇唔睇到鎖骨下面嘅肌肉脹卜卜🤪 嗰度同胸部嘅脂肪完全係兩回事，個位置係好高，質感都好唔同！但係，其實咁啱可以補償我近年少咗嘅脂肪🤩 如果我戴返市面上一般嘅胸圍，輕輕托一托胸部脂肪，上面又有胸肌補位，望落去會係另一種大同埋堅挺，而且身體其他部份線條仲靚咗添！

其實我唔係好肯定我係唔係鍾意健碩嘅身材，但我真係好享受做gym嘅過程，好想係咁變得更大隻更多肌肉，攞更重嘅重量，覺得好有滿足感😂 可能過多幾年之後，我身材同而家又完全不一樣都唔出奇，但我相信35歲前望落去係會越來越年輕，因為體脂高雖然都好靚好吸引，但係係好容易顯老，肌肉多個人有活力，姿勢身材都係年輕啲。

唔知大家點睇呢？