嚟M衝紅燈🩸從未如此輕鬆過😮‍💨🤤 (Patreon)

今次係本人真人真事分享，有少少長，大家慢慢睇！小妹之前嚟M嚟得好怪，好耐都唔嚟一次（ n講緊係四五個月都冇），亦冇規律，間接造成好多焦慮同埋不便。

以前經期飄忽嘅我成日都會諗：係咪做咗聖母瑪利亞呢？係咪子宮/卵巢有事呢？會唔會已經懷孕然後流產咗呢？於是有一年我終於扚起心肝，走咗去睇婦科，檢查之後醫生話我乜事都冇，仲好健康😅 不過就叫我減肥（😑），當時的確係我人生體重高峰，懷疑有132磅（冇磅，只係粗略估算）😅 不過我中學時期都係偏瘦，嚟M已經係亂㗎啦，我諗大學時期嚴重咗，主要係壓力同埋，明啦，一日最衰都係佔中嗰啲嘢囉，有一排仲成日吸埋啲催淚煙😅 醫生同時有建議我食避孕藥，話有調經嘅效果，仲講到好好咁，於是我都有開始試吓😂

開始咗食避孕藥之後，除咗頭幾日有啲頭暈，之後咁耐以來完全冇任何副作用，仲前所未有地，終於可以準確地預計經期、安排活動，而且不再需要擔心無啦啦生咗一件出嚟，實在係太輕鬆！！！

由於可以預計經期，我都終於開始咗用月經杯，以前幾個月無嚟一次，根本冇心機預先研究、安排好少少嘅生理用品😌

用咗月經杯之後，加上有避孕藥加持，我個世界簡直係徹底自由!!! 可能我好彩，一試用月經杯就搵到好啱形狀嘅，總之用咗之後，我係完全冇感覺！唔會漏M ！唔會焗住！同冇嚟M近乎冇分別！以前由M巾轉用棉條，雖然已經舒服好多，但因為怕會中毒（Google：toxic shock syndrome），唔可以長期放喺入面，經常有個心理壓力要勤力換，瞓覺亦唔會用，會着月經褲，基本上就係尿片，點都會噏住唔舒服。

用咗月經杯之後，我只需要簡簡單單，放咗個杯入去，然後着一條薄薄地嘅防滲漏底褲（而家周街都有得賣好平又舒服，着落同一般底褲冇乜分別），簡直係返唔到轉頭。

鋪墊咁多嘢，而家要入正題啦！話說我想同大家分享一樣嘢！就係我由細到大（唔係誇張😂）都有唔少嚟M期間做愛做的事嘅情況😂🫶🏼🩸 通常都會有少少messy，同埋要就住就住，又點都一定會有血味😂

用咗月經杯之後，有一次嚟M我忽發奇想，不如放咗個杯入去，然後再去做愛做的事？😂 結果我就真係實行咗，做完之後真係返唔到轉頭😂 至今我已經試過好多次😂

我自己用嗰個杯，形狀係似漏斗，三角形咁，我有同其他女仔交流過，佢哋有啲係好似一個好扁嘅圓形，我諗如果用嗰種，喺呢個情況下係更加適合😂

總之，有個杯喺入面，係唔會影響濕潤度、唔會漏M、唔會有血味，男方應該唔會好feel到，或者feel到唔會覺得好影響，除非某啲角度隊落去個漏斗尖位😂 陰道係好有彈性嘅，而個杯都係有彈性，所以成件事係好和諧🤣🩸 最多都係會導致個杯少少移位，可能會滲少少出嚟，但對比起就咁衝紅燈，實在係衛生乾淨舒適太多了！而家全年365日都可以輕鬆做愛做的事了！😂🫶🏼💓 同過我分享嘅女仔，仲話佢哋冇同伴侶講，佢都唔覺😂😂👻👻

不過咁，我個人就冇試過嗰啲什麼30cm巨具，唔肯定如果係BBC work 唔work😂 日後有機會再探索吓吧😂🙏🏻🩸🫶🏼