Date故: 好相處、外形99%我的菜,但絕不會沉船的一個他 (Patreon)
Content
今日又同大家分享下較早前嘅溝仔故事☺️ 如果唔係因為短暫做過fuck girl,都唔會咁清楚自己可以將肉體同情感吸引分得咁清😆
形容下呢個date先☺️ 年紀同我差不多,香港人,學歷同我差不多。陽光男孩樣,五官端正幾靚仔嘅,身高大概180-183,有肌肉線條,fit嘅,性格幾正面吹得水,同唔少人都傾到計做到friend嗰隻,會頻密覆message,政治立場相近。
佢好明顯都係被我吸引嘅,有不斷主動約我、主動身體接觸等等。但即使佢條件各樣嘢對我來講係接近完美,唔知點解我地雙方一嚟就好清楚,我地彼此都唔會沉船,只係想得閒見個面出下街做下不同活動😂
我諗講到底,你覺得呢個人吸引、好相處,唔代表想同佢做伴侶,將佢融入你嘅生活。其實相處咗一陣做咗朋友,就知道大家對生活嘅追求、習慣、喜好、興趣都好唔同。我地完全沒有共同喜歡嘅活動、社交模式非常不一樣,相處嘅時候雖然幾happy無悶場,但同時其實都唔係喺心靈上connect到、明白到對方。
面對呢種關係我覺得十分安心,因為係肯定無嘢😂 所有嘅flirting、接觸,好明顯都係大家過招玩下,無須猜度😂
喺我同呢個男仔比較close嘅日子,佢約咗我幾個月後參加一個活動,係要同一間酒店房訓嘅,我當時應承咗,錢都畀埋😂 後來佢有一兩次同我text,突然out of nowhere 提起佢有新女朋友,例如我話:呢間餐廳啲咖哩好好食,佢就話:我女朋友都咁講!😂 但明明幾乎日日傾計,佢從來無正式同我講佢依家識咗個女朋友😂 直到有一日,佢終於好似有難言之隱咁,話幾個月後嘅活動介唔介意我唔去,因為依家同女朋友去好啲。我話:ok 你退返錢畀我就得😉 之後佢仲話咩,要打個電話同我交代下(以前佢間唔中會同我傾電話),我話傻啦唔洗啦🤣 佢仲要insist,然後我堅持佢唔洗交代啲咩,我真係無嘢😂 裏裏外外我都完全無任何hard feelings😂
依家我同佢都係keep住友好關係,不過無再見面了,係間唔中互相覆下story、睇下佢喺story放閃咁。其實咁都唔錯😂 佢係我唯一一個close過之後完咗關係,之後仲可以好好地聯絡嘅男仔😆 通常都係不再聯絡😂