做Fuck Girl 教會我的4個道理🥵 (Patreon)

話說我一向都係思想開放、身體保守😆 多年來我都無話有過好多伴侶，一直只係拍過三次拖，每個都幾年以上😅 由於我自己對自己嘅潔癖 + 某啲恐懼，我甚至係連約下異性出街食飯、結識下都係…近乎沒有嘅😂

上年因為某啲trigger，我個人精神+狀態跌到極低點，於是我毅然決定要跳出comfort zone，做咗差不多30年人終於主動玩app溝下仔。過咗一陣我就發現，以前嘅我太保守太蝕底了。

1. 肉體交纏不是甚麼

頭盔：我並無fuck到好多人，同埋道理我都係一直知道嘅😆 但知道 vs 感知到，係兩回事😆 呢個覺悟對我嚟講係極度有用🤓 曾經身體極度保守嘅我（依家都唔係開放😂🙏🏻開放無問題，但我唔係😂）， 三段關係中有兩段都係因為進行咗某啲肉體接觸，所以心理上有少少認為「米已成炊」，半推半就開展關係😂 例如14歲嘅初戀就係因為當年嘅男朋友攬住我錫，我又有啲鈍，有少許呆咗+嚇親，我唔係抗拒又唔係特別期待，但覺得「既然都錫咗就要一齊」😂 呢個想法即使去到20中，仍然無咩大改變。其實有時無啲肉體接觸，又未必好知大家係咪有chemistry，但假如一旦有接觸，就要必定要發展啲咩，咁咪變相等於無得揀？😂 根本無論做咗啲咩肉體運動，大家也不欠大家甚麼～ 所以，睇開啲，對我嚟講係解放咗個牢籠😆🫶🏼

2. There is plenty of fish in the sea

原來真係會有又靚仔、又高大、人又好、又投契嘅dates會對你感到興趣。女校大、做咗KOL被大量轟炸dm多年、長年被occupied嘅我（仲要部分係半推半就😂），成日心入面都會覺得，自己係無男人可以揀嘅，假如我開放咗自己，只會迎來啲奇怪嘅騷擾，被不喜歡嘅人纏住談不喜歡的話題，然後被非禮😂 但事實係，原來呢個世界真係好多人，而好多人都好好😂 唔係得ig 騷擾我嘅嗰種🥹 雖然好多嘢我好似好有睇法，但事實係我一直活喺象牙塔裡面，根本近乎無進入過dating market😆 呢個realization係好empowering😳 知道自己原來有得揀，所以整個人底氣都會大啲，知道自己隨時有能力離開任何人或關係、有bargaining power🥹 呢個時候做嘅選擇，先係真正嘅選擇💪🏼💓 唔係因為覺得自己無得揀 + 被人肉體接觸咗 = 覺得一定要同嗰個人一齊，會發現自己係個自由嘅人、自由嘅靈魂。

3. 合則來不合則去，ghosting不是甚麼

人嘅痛苦好多都係來自執著😮‍💨 出過好幾次街、深入交流咗兩個月嘅date，點解突然可以消失？其實無咩點解，人地情況有變了，有啲咩其他考量之類，甚至原來係本身有女朋友嘅，只係因為嗌交/女友出trip/悶之類，先偷偷玩app😅 原因係唔重要、不用深究，無論對方幾好、你地曾經幾開心幾sweet，一旦關係變得不一樣就係不一樣了，無得勉強，亦無咩好傷春悲秋或留戀，move on係唯一出路。慶幸我雖然有被ghost過但並無受過傷，只係更加加強咗我呢方面嘅領悟。

4. 心態還心態，手段還手段

呢樣嘢係我喺一兩個date身上見識到嘅😂 話說佢地毫不介意同你扮認真，例如介紹你畀家人朋友認識、同你睇屋、分享好多私人嘅事等等，但其實呢啲只係佢地食女嘅手段，並不代表什麼😂 我自己係個比較乾淨、唔喜歡咩手段嘅人，例如我想casual 嘅，就唔會表現得想同你認真，甚至會開口講到明😅😂 見識到呢啲人嘅手段之後，我都學到啲嘢嘅，就係好多時其實我可以多啲保護自己，唔洗下下咁誠實同咁易信人😂 唔洗因為人地好似好坦誠，我又即刻劏開個肚攞個心出嚟😂 可能人地只係9up or 當呢啲係策略😂 仲有，心態係緊要過你實際做乜，只要你決心唔沉船、唔畀自己too invested，原來係可以做曬所有好越界嘅舉動，最後都係拎得起放得低的😮‍💨 唔係話日後都要對人100%戒心、唔認真，而係知道咗世界可以咁運作後，個人可以變得更少執著、更有能量、更懂得揀真正值得自己投資時間同情感嘅人💓

———————————-

我做咗fuck girl只係短短數月（已停工），已經獲益良多，亦覺得自己有變得更冷靜、成熟、有力量。所以我覺得，最好係人都經歷下fuck girl/fuck boy phase 啦😆 真係有益身心的😮‍💨 歡迎cm討論♥️