家居性感🤭好喜歡呢張相😭🥹 健身目標😈 (Patreon)

之前有少少writer’s block，我見唔少關心我嘅朋友都問，點解我好似喺唔同平台都冇晒聲氣，其實係覺得狀態有啲需要自閉而已，唔需要擔心🤍

近期我幾乎每日都有去做gym，舉重就一定有㗎啦，然後日隔日都會做吓帶氧運動，最主要想鍛鍊心肺功能。我覺得感受到自己身體變好、變強，係好有滿足感嘅一回事🤍

我最鍾意做嘅動作係推臀（Hip thrust）由於我冇跟教練，所以我之前一直唔夠膽做重啲。但係當我keep住做輕嘅做咗一陣，開始覺得冇乜用同埋冇滿足感，後來我醞釀咗一陣，又睇吓YouTube同埋學習多啲，之後就夠膽自己做啦！之前跟教練嘅時候係做40kg，我依家自己最新做到55kg，做10下都唔係覺得handle唔到，日後想越做越重，目標係我體重嘅兩倍（100kg）!!!!!

另外喺體重方面，我比起最輕嘅時候重返少少，由49kg變咗51kg，唔知幾多係肌肉呢（應該唔會太多😭）。我而家係想clean bulk，即係盡量淨係增加肌肉，練大個pat pat同埋想個身線條突出啲，唔知過咗幾個月後、半年後、一年後嘅成果會係點呢？我會繼續喺度更新大家，我都好期待🤍😈💗 只要有恆心（同埋做夠功課），好多嘢都有可能！！！🤍