記：性病檢查🤥感染了🤧 (Patreon)

（ps呢張相係嚟緊我拍攝一個節目嘅花絮，詳情暫時要保密，遲啲再公布🤫）

話說八月頭去完海灘，下面就覺得有啲唔舒服～ 我曾經都試過去完海灘因為啲海水太污糟，就誘發尿道炎，嗰時仲斷斷續續半年都唔好返，喺呢度都有分享過🫠

咁我見無啦啦又復發，就自己去咗藥房配藥，點知食完藥唔見好轉仲差咗，下面紅腫+ 痛+痕，仲有啲奇怪顏色分泌同埋血，瞓覺都瞓唔好，無時無刻都覺得好辛苦，真係頂唔順，決定唔單止要去睇醫生，仲要做一個全面嘅驗血、種菌檢查，順便驗所有性病，仲可以驗到自己身體對啲乜嘢抗生素有抗藥性，對症下藥😬 反正我咁大個人都冇試過咁樣驗身check性病，我覺得點都要去做一次嘅！檢查嗰日，護士攞樣本嘅時候都話我下面裡裡外外直頭去到子宮頸都腫晒😅 好陰功😂

由於我係去私家化驗所做嘅，好快就有結果。發現我有成5/6種細菌感染，全部都係女性體內本身有嘅菌，只不過因為接觸過污水+抵抗力一時唔夠做，所以失衡咗😅 例如嗰啲乜嘢念珠菌、金黃葡萄球菌、大腸桿菌等等😅 另外，仲檢查到有一隻疑似係性病嘅菌，但大部份人感染咗都係冇乜病徵，所以好容易會喺不知情嘅情況下傳染咗比其他人😅

幸運嘅係我感染咗嘅細菌，全部都可以透過食七日抗生素完全消滅，完全冇手尾冇任何副作用。喺病徵方面，我喺食藥嘅第二日基本上已經感覺好返八成，第三日已經感覺完全康復咁滯😂

我而家已經食晒藥好耐啦，完全康復，冇晒任何病徵，啲菌無論係尿道炎定係疑似性病都全部死晒啦😂 重生嘅我係肯肯定乾淨過處男😌😂😇

經過呢件事之後我發現:

1. 其實一個人唔需要濫交都可以感染所謂嘅性病

2. 感染性病根本未必一定關性行為事

3. 定期檢查絕對利多於弊

4. 好多人聽到「性病」呢隻字就聞風喪膽，但其實絕大部份嘅病係易搞過傷風感冒，根本唔需要有無謂嘅恐懼同埋標籤

5. 打hpv預防針真係好緊要

呢個全面嘅檢查，係可以睇到我有冇愛滋、梅毒、泡疹、HPV、肝炎等等比較難搞嘅性病，幸運地我係全部都冇嘅，而HPV係有好多種不同嘅病毒，個醫生都讚我，話我竟然可以一種都唔中，我仲好威咁話「梗係啦我一早打咗HPV針😎」✨

以下畀一啲HPV嘅資料大家睇：

人類乳頭瘤狀病毒(HPV)

對公眾健康造成日趨嚴重的威脅。我們的HPV預防計劃目的在於鼓勵個人和社會增加對HPV的認識，及早採取適當的預防，並以積極的態度保護自己，伴侶和家人。從最近研究顯示，五成以上成年男仕帶有HPV病毒，而每次性行為感染風陰險為40%

子宮頸細胞變異 及 人類乳頭瘤狀病毒(HPV) 資料概覽

「子宮頸細胞變異」是一個常用的醫學術語，指任何子宮頸細胞出現異常或癌前病變。這些細胞的變化主要是由HPV引起及有機會導致子宮頸癌。人類乳頭瘤狀病毒是一種常見的病毒，可透過皮膚接觸傳播。現時已發現超過200種的HPV基因分型(Genotype)，當中30種以上的HPV可透過性接觸而導致生殖器官部位受感染及引致病變。這些HPV分為高風險和低風險兩組。高風險組是指能導致子宮頸癌的基因型。其中近70%是由基因型16和18引發。低風險組是指能導致生殖器官濕疣的基因型。其中近90%是由基因型6和11引發。